Tlamachtilmej para Toteki akinmej tikchiuaj ken Cristo
4-10 DE NOVIEMBRE
KEN TECHPALEUIA BIBLIA SALMO 105
Ye nochipa kilnamiktok tlen kijtoua kichiuas
¿Ken uelis okachi tikneltokaskej Jehová kikopas se xochitlali tlaltikpak?
11 Matikilnamikikan tlen okinmilui itekipanojkauan Jehová tlen okatkaj yiuejkika. Xamo sekimej amo melauak kineltokaskiaj ijkon panoskia tlen okijtouaya Jehová. Abrahán uan Sara yokipiayaj miak xiuitl pero Jehová okinmilui kipiaskiaj se inkone (Gén. 17:15-17). Noijki Jehová okilui Abrahán ixuiuan chantiskiaj Canaán. Pero ixuiuan Abrahán tlen okatkaj israelitas, okatkaj miak xiuitl ken tlakeualmej ompa Egipto. Yejuan xamo omokuayejyekojkej tlen okijto Jehová amo melauak panoskia pero satepan ijkon opanok. Opanok miak xiuitl Jehová okilui Elisabet kipiaskia se ikone maski yokipiaya miak xiuitl. Noijki okilui se ichpochtli tlen omotokayotiaya María kipiaskia se ikone maski ayamo omonamiktiaya. Ijkon mochiuaskia se profecía tlen Jehová yokijtojka itech xochitlali Edén (Gén. 3:15).
12 Tikitaj Jehová kipia sapanoua chikaualistli ijkuak timokuayejyekouaj tlen okijto melauak opanok. Ijkon tikneltokaj ye kikopas se xochitlali tlaltikpak (xiktlajtolti Josué 23:14; Isaías 55:10, 11). Ijkon tikinpaleuiskej oksekimej makineltokakan melauak mochiuas tlen Jehová yokijto uan amo san se cuento. Jehová okijto kichiuas “se yankuik ilwikak iwa se yankuik tlaltíkpaktli” uan “milák iwa kuali se kinneltokas” (Apoc. 21:1, 5).
Matiktemokan ken techpaleuia Biblia
Okachi ma tiktekichiuilikan Jehová
13 Ma timopaleuikan itech Jehová. Tla ikaj techchiuiliaj itlaj tlen amo kuali, ¿tlen tikchiuaskej? Uelis tikiluiskej ken timomachiliaj. Pero tla san tiknekij tikteititiskej tejuan amo totlajtlakol, uelis okachi tikueyitiliskej ouijkayotl. Ma timokuayejyekokan itech José. Ikniuan okichiuilijkej tlen amo kuali, uan satepan ikaj okitelui itech itlaj tlen amo okichi uan okitsakej. Pero ye omopaleui itech Jehová. Omokuayejyeko itech tlen kichiuas toTajtsin Dios uan okatka yolmelajki (Salmo 105:19). Ijkuak ijkon otlajyoui, non okipaleui ma yeto okachi ixtlamatki pampa kuali kichiuaskia tekitl tlen satepan kimakaskia (Génesis 41:37-44; 45:4-8). Tla ikaj otechchiuili itlaj tlen amo kuali, ma tikiluikan Jehová ma techmaka ixtlamatilistli. Ye techmakas yolseuilistli uan techpaleuis kuali ma timotlapouikan iuan akin otechchiuili tlen amo kuali (xiktlajtolti 1 Pedro 5:10).
11-17 DE NOVIEMBRE
KEN TECHPALEUIA BIBLIA SALMO 106
Okilkajkej toTajtsin Dios okinmakixti
“¿Akin kajki iuan Jehová?”
13 Israelitas omomojtijkej ijkuak otlamixtlayoak, ijkuak opejki tlapejpetlani uan okseki tlamantli opanok. Ik non, okiluijkej Moisés ye ma motlapoui iuan Jehová (Éx. 20:18-21). Uan otlejkok itech tepetl Sinaí uan uejkika ompa omoka. Israelitas otlaneltokayaj itech Moisés. Ik non, omosotlajkej uan okiluijkej Aarón: “Techchijchiuili se teotsin para ma techyekana porque amo tikmatij tlen okipanok Moisés akin otechkixtito itech altepetl Egipto” (Éx. 32:1, 2).
Matiktemokan ken techpaleuia Biblia
¿Titlachixtokej itech Jehová?
14 ¿Tleka Moisés amo otetlakamatki? Ma tikitakan tlen kijtoa Salmo 106:32, 33: “Otlakualanijkej ompa Meribá kanin okikixtijkej atl uan intlajtlakol otlajyoui Moisés. Okikualanijkej uan ye opejki kijtoa tlen amo kuali”. Israelitas okixnamikej Jehová uan Moisés okualanki maski amo ye okixnamikej. Amo okimoxikolti uan okualanki, ik non, otlajyoui.
15 Moisés ayakmo otlachixtoka itech Jehová porque okitak tlen oksekimej okichiuayaj. Ijkuak israelitas amo okipiayaj atl, Moisés okitlakamatki Jehová (Éx. 7:6). Pero ijkuak oksepa ijkon okichijkej, xamo yomosotlajka porque yimiak xiuitl okixnamikiayaj israelitas. Xamo okachi okitekipachoaya tlen opanotoka uan amo okiueyichi Jehová.
18-24 DE NOVIEMBRE
KEN TECHPALEUIA BIBLIA SALMOS 107, 108
Xiktlasojkamatilikan Jehová porque ye yolkuali
w07-S 15/4 pág. 20 párr. 2
Matikueyichiuakan Jehová ijkuak timonechikouaj
2 Tejuan amo timonechikouaj ijkon ken akinmej mauiltiaj, akinmej kipiaj tomin noso porque techpaktia tikchiuaskej san se tlamantli. Tejuan nochipa tikueyichiuaj Jehová ijkuak timonechikouaj ijkon ken kijtoua Salmos. Salmo 35:18 kijtoua: “Nimitstlasojkamatilis itech ueyi tlanechikol; nimitsueyichiuas inmixpan miakej”. Salmo 107:31, 32 noijki kijtoua matiktlasojkamatilikan Jehová porque tetlasojtla uan techchiuilia miak tlamantli tetlajtlachialti. Matikueyichiuakan Jehová ijkuak timonechikouaj uan noijki makiueyichiuakan tlayekankej tlen teyektlaliaj.
Ma tiktlasojkamatilikan Jehová
4 Moneki ma tiktlasojkamatilikan Jehová. Ik non, moneki ma timokuayejyekokan itech nochi tlamantli kuali tlen techmaka. Uan noijki moneki timokuayejyekoskej ken ijkon techititia techtlasojtla. Ijkon okichi se tlakatl akin okijkuilo se amochtli itech Biblia. Ik non, omotlajtlachialti ika nochi tlen Jehová okichi (xiktlajtolti Salmo 40:5 uan 107:43).
Matiktemokan ken techpaleuia Biblia
Jehová techyolchikauas
20 ToTajtsin Dios techyolchikauas ijkuak timosotlauaskej (Sal. 108:13). Jehová yotechmakak miak tlamantli para techyolchikauas. Ikinon matiktlatlaujtikan ika nochi toyolo uan matimomachtikan iTlajtol ijkuak tikitaskej oui tiktekichiuiliskej, tla tikmachiliaj amo titlaxikouaj noso ayakmo tiyolpakij ijkuak tiktekichiuiliaj. Noijki matikinkauilikan tokniuan matechpaleuikan uan matikilnamiktokan tlen Jehová kichiuas satepan. Jehová “manamechyolchikaua ika ichikaualis ueyititok. Manamechmaka chikaualistli tlen moneki para ximochiakan uan nochi xikxikokan ika pakilistli” (Col. 1:11).
25 DE NOVIEMBRE- 1 DE DICIEMBRE
KEN TECHPALEUIA BIBLIA SALMOS 109-112
Matikpaleuikan toTekiua Jesús
w06-S 1/9 pág. 13 párr. 6
Tlen okachi ipati omotlajtolti itech amochtli makuili Salmo
110:1, 2. ¿Tlen okichi toTekiua Jesucristo ijkuak omotlali iyekma toTajtsin Dios? Ijkuak okiyolitijkej Jesús, oyajki iluikak uan omochixki iyekma toTajtsin Dios. Ompa omochixki hasta 1914 ijkuak opejki tlanauatia. Ijkuak ompa omochixtoka okinyekanki tlapejpenalmej. Noijki okinyekanki matetlapouikan, matlamachtikan uan okinyektlali makimatikan tlen kichiuaskej ijkuak iuan tlanauatiskej (Mateo 24:14; 28:18-20; Lucas 22:28-30).
w00-S 1/4 pág. 18 párr. 3
Akinmej kikokoliaj toTajtsin Dios amo kitlaniliskej
3 Desde siglo veinte opejki kintlajyouiltiaj akinmej kitekichiuiliaj toTajtsin Dios. Itech miakej altepemej amo kinkauiliaj tokniuan matetlapouikan kuali tlajtoli. Ijkon kichiuaj porque kinyekana Diablo. Ye techkokolia uan “kitemojtinemi akin kikuas ken yetoskia se león tlen tsajtsitinemi” (1 Pedro 5:8). 1914 otlanki tlen toTajtsin Dios ‘okitekauili ijkon mapano’ uan okitlali iKone matlanauati ipan nochi tlaltikpak. Okilui: “Xitlanauati intlajkotia akinmej mitskokoliaj” (Lucas 21:24; Salmo 110:2). Jesús okiteititi kipia chikaualistli ijkuak okiualtlamotlak Satanás nikan tlaltikpak. Satanás omotlauelkixti inuan tlapejpenalmej uan oksekimej tokniuan porque kimati ayakmo miak poliui kipojpoloskej (Apocalipsis 12:9, 17). ¿Yotechtlanilijkej akinmej techtlajyouiltiaj?
Xitlapaleui kanin timonechikoua
Kanin timonechikouaj uelis tinochtin titlapaleuiskej. Tla kanin timonechikoua ikaj yikipia miak xiuitl noso mokokoua uelis tikpaleuis, uelis tikuikas kanin nanmonechikouaj, itlaj tikkouiliti noso titlachipauas ikalijtik (xiktlajtolti Santiago 1:27). Noijki uelis titlapaleuiskej ijkuak tlachipauaj uan tlayektlaliaj kanin timonechikouaj. Amikaj techchiualtia matitlapaleuikan, titlapaleuiaj porque tiktlasojtlaj Jehová uan tokniuan (Salmo 110:3).
Matiktemokan ken techpaleuia Biblia
Tetajmej xikinpaleuikan namokoneuan ma yetokan ixtlamatkej para momakixtiskej
12 Amochtli Perspicacia volumen 2 kijtoa akin ixtlamatki “noijki kuali kitekitiltia tlen kimati, kuali kajsikamati nochi ijkuak itlaj kiyektlalia, ijkuak kipia se ouijkayotl, ijkuak kineki itlaj kichiuas noso ijkuak ikaj kinojnotsa”. Biblia kijtoa: “Telpochtli kichiua tlen tepinati” (Prov. 22:15). Akin ixtlamatki amo xoxo porque kipia chikauak itlaneltokilis. Ik non, kimauilia Jehová uan kintlakamati itlanauatiluan, amo porque yikipia miak xiuitl (xiktlajtolti Salmo 111:10).
2-8 DE DICIEMBRE
KEN TECHPALEUIA BIBLIA SALMOS 113-118
¿Ken uelis tiktlaxtlauiliskej Jehová nochi tlen techmaka?
w01-S 1/1 pág. 11 párr. 13
Timoyolchikauaj porque toTajtsin Dios techtlasojtla
13 Tlen okijto Jesús kiteititia miak ipati matiktlasojtlakan Jehová. Pero moneki timochijchikauaskej tiktlasojtlaskej Jehová porque ijkuak tinesij ayamo tiktlasojtlaj. Ijkuak otechtlapouijkej ken iyelis toTajtsin Dios, otikkakej tlen otechiluijkej. Yolik otikajsikamatkej ken otechyektlalili tlaltikpak (Génesis 2:5-23). Noijki otikajsikamatkej amo okinka inselti Adán uan Eva ijkuak otlajtlakolchijkej uan san niman okitemo ken techmakixtis (Génesis 3:1-5, 15). Jehová okintlasojtlak akinmej amo keman okikajkej uan satepan okitemakak iKone para techtlapojpoluis (Juan 3:16, 36). Okachi opejki tiktlasojtlaj Jehová ijkuak opejki okachi tikixmatij (Isaías 25:1). Tekiua David okijto Jehová kuali okimaluiaya ikinon okitlasojtlaya (Salmo 116:1-9). Axkan Jehová noijki techmaluia, techyekana uan techyolchikaua. Okachi tiktlasojtlaj ijkuak okachi tikixmatij (Salmo 31:23; Sofonías 3:17; Romanos 8:28).
¿Tikita oui titetlakamatis?
19 ToTajtsin Dios techteochiua miak ijkuak titetlakamatij. Pero tiktlakamatij Jehová porque tiktlasojtlaj uan tiknekij tikyolpaktiskej (1 Juan 5:3). Amo keman uelis tiktlaxtlauiliskej nochi tlen techmaka (Sal. 116:12). Pero moneki tiktlakamatiskej Jehová uan akinmej okintlali matlanauatikan. Tikteititiaj tiixtlamatkej ijkuak titetlakamatij. Noijki tikyolpaktiaj Jehová tla ijkon tikchiuaj (Prov. 27:11).
w19.11 págs. 22, 23 párrs. 9-11
¿Tlen techmachtia amochtli Levítico?
9 Techmachtia tiktekichiuiliaj Jehová porque inauak timotlasojkamatij. Axkan ma tikitakan okse tlamantli tlen okichiuayaj israelitas ijkuak okiueyichiuayaj Jehová. Amochtli Levítico kijtoa israelitas itlaj okitemakayaj uan ijkon okiteititiayaj omotlasojkamatiayaj (Lev. 7:11-13, 16-18). Amikaj okinmiluiaya omonekiaya kitemakaskej non tlamanali. Yejuan okitemakayaj ika nochi inyolo. Non tlamanali okimakayaj Jehová porque okitlasojtlayaj. Akin okitemakaya tlamanali, okikuaya nakatl iuan akinmej ochantiaya uan noijki iuan teopixkej. Pero seki nakatl amo okikuayaj porque san Jehová omonekiaya kimakaskej. ¿Tlen okimakayaj?
10 Techmachtia tikmakaj Jehová tlen okachi kuali porque tiktlasojtlaj. Jehová okipatioitaya ichiauakyo nakatl. Noijki omonekiaya kimakaskiaj iriñones uan hígado yolkatl porque non okachi okipatioitaya (xiktlajtolti Levítico 3:6, 12, 14-16). Ijkon israelitas okiyolpaktiayaj Jehová ijkuak okimakayaj non nakatl uan chiauak. Ijkuak ijkon okichiuayaj, okiteititiayaj okimakayaj Jehová tlen okachi kuali. Jesús noijki ijkon okichi ijkuak okitekichiuili iTajtsin porque sapanoa okitlasojtlaya (Juan 14:31). Oyolpakiaya ijkuak okitekichiuili Jehová uan okipatioitaya itlanauatil (Sal. 40:8). ¡Jehová sapanoa oyolpakik porque okitak ikone okitekichiuiliaya ika nochi iyolo!
11 Israelitas okitemakayaj tlamanali ika nochi inyolo porque okitlasojtlayaj toTajtsin Dios. Tejuan noijki ijkuak tiktekichiuiliaj Jehová ika nochi toyolo yetoskia ken tikmakaj se tlamanali porque tiktlasojtlaj. Tikmakaj tlen okachi kuali porque tiktlasojtlaj ika nochi toyolo. Jehová yolpaki porque miakej itekipanojkauan kitekichiuiliaj ika nochi inyolo porque kitlasojtlaj uan kinpatioitaj itlanauatiluan. Jehová amo san kita tlen tikchiuaj, ye noijki kita tleka tiktekichiuiliaj uan kipatioita. Non sapanoa techyolseuia. Ma tikitakan tleka ijkon tikijtoaj. Tla yitikpiaj miak xiuitl uan ayakmo tiuelij tikchiuaj tlen achto otikchiuayaj, ma tikilnamiktokan Jehová amo san kita tleka ayakmo tiktekichiuiliaj ken achto. Xamo ijkon timokuayejyekoaj. Pero ma tikilnamiktokan ye kita tiktlasojtlaj uan non techpaleuia ma tikmakakan tlen okachi kuali. Ye kiyolpaktia tlen tejuan tikmakaj ika nochi toyolo.
Matiktemokan ken techpaleuia Biblia
Amo timomojtiskej porque Jehová techtlasojtla
3 Satanás amo techmomojtis tla tikneltokaj Jehová techtlasojtla uan kineki techpaleuis (Sal. 118:6). Akin okijkuilo Salmo 118 sapanoua otlajyoui. Sekimej tlen okikokoliayaj okipiayaj se tekitl miak ipati (versículos 9 uan 10). Ualeua okichiuiliayaj tlen amo kuali (versículo 13). Noijki Jehová okiyektlali (versículo 18). Maski nochi non okipanok, ijkuak otlakuikak okijto amo momojtiskia. ¿Tleka ijkon okineltokaya? Porque okimatiaya maski Jehová okiyektlali, ok okitlasojtlaya. Salmista okineltokaya maski san tlen kipanoskia Jehová kipaleuiskia (Sal. 118:29).
9-15 DE DICIEMBRE
KEN TECHPALEUIA BIBLIA SALMO 119:1-56
“¿Ken uelis se telpochtli nemis chipauak?”
w87-S 1/11 pág. 18 párr. 10
¿Timochijchikauaj nochipa tinemiskej tichipauakej?
10 Pablo okijto itech Efesios 5:5: “Namejuan nankimatij uan kuali nankajsikamatij akinmej auilnemij, akinmej kichiuaj tlen pitsotik uan akinmej tlaixnekij ken yetoskia kinueyichiuaj dioses, amo kiseliskej iTekiuajkayo toTajtsin Dios tlen kiyekana Cristo”. Pero sejse xiuitl miakej kinyektlaliaj noso kinkixtiaj itech tlanechikol porque auilnemij (1 Corintios 6:18). Miakej ijkon kinpanoua porque amo kitlakamatij iTlajtol toTajtsin Dios (Salmo 119:9). Miakej tokniuan amo momaluiaj ijkuak yauij kanaj paxialotiuij uan peua mouikaj inuan akinmej amo kitekichiuiliaj toTajtsin Dios. Sekimej tokniuan peua kichiuaj seki tlamantli inuan akinmej amo kitlakamatij toTajtsin Dios porque mokuayejyekouaj yolkualmej. Sekimej peua mouikaj inuan akinmej tekipanouaj. Se tlayekanki opejki mouika iuan se siuatl tlen iuan otekipanouaya. Satepan okika ifamilia uan ochantito iuan non siuatl. Ikinon okikixtijkej itech tlanechikol. Biblia amo techkajkayaua ijkuak kijtoua “tla nanmouikaskej inuan akinmej amo yolkualmej, ayakmo nankichiuaskej tlen kuali” (1 Corintios 15:33).
¿Tlen kijtosneki tikpiaskej chikauak totlaneltokilis?
6 Akinmej kipia iespíritu toTajtsin Dios okse tlamantli kichiuaj. Kipatioitaj mouikaskej iuan toTajtsin Dios uan mochijchikauaj kichiuaskej ken ye (Efes. 5:1, TNM). Kijtosneki mokuayejyekoaj ken ye uan kitaj nochi tlamantli ken ye kita. Kimatij melauak onka toTajtsin Dios. Itech nochi innemilis kintlakamatij itlanauatiluan Jehová (Sal. 119:33; 143:10). Mochijchikauaj kichiuaskej tlen poui itech espíritu santo uan amo kichiuaj tlen amo kuali (Gál. 5:22, 23). Ma tiktlalikan se neskayotl tlen techpaleuis ma tikajsikamatikan tlen kijtosneki tikpiaskej chikauak totlaneltokilis. Ijkuak ikaj kimati tlanemakas moixmati ken tlanemakak. Noijki ijkon akinmej kinekij kiyolpaktiskej toTajtsin Dios kipiaj chikauak intlaneltokilis.
¿Tleka moneki tikijtoskej “xikueyichiuakan Jah”?
12 ToTajtsin Dios “kintlamotla akinmej amo yolkualmej” (Sal. 147:6b). Nin amo san ma tikajauilmatikan. Tla tiknekij toTajtsin Dios ma techtlasojtla uan amo touan ma kualani, moneki tikkokoliskej tlen amo kuali (Sal. 97:10). Moneki tikkokoliskej nochi tlen poui itech auilnemilistli. Nin kijtosneki amo itlaj tikchiuaskej tlen uelis kichiuas ma tiauilnemikan, ik non, amo ma tikitakan pornografía (Sal. 119:37; Mat. 5:28). Moneki timochijchikauaskej uan toTajtsin Dios techteochiuas.
Matiktemokan ken techpaleuia Biblia
w05-S 15/4 pág. 10 párr. 2
Matikneltokakan iTlajtol toTajtsin Dios
2 Salmo 119 kijtoua miak ipati iTlajtol toTajtsin Dios. Akin okijkuilo nin salmo kualtsin okinyektenki 176 versículos, okintlali 22 estrofas uan kanin moxeloua se estrofa peua ika se tlajtoli tlen ijkuilitok ika hebreo. Ompa okijkuilo iTlajtol toTajtsin Dios, tlanauatil, seki tlamantli tlen amo moneki matikilkauakan, iojuiuan Jehová, tlanauatilmej uan okseki tlajtoli. Nin tlamachtil uan okse tikitaskej nochi tlajtolmej tlen ijkuilitok itech Salmo 119 okitlalijkej ijkon ken ijkuilitok ika hebreo. Tla timokuayejyekouaj ken okinpaleui akinmej yiuejkika okitekichiuilijkej Jehová uan axkan, techpaleuis okachi matikpatioitakan iTlajtol toTajtsin Dios.
16-22 DE DICIEMBRE
KEN TECHPALEUIA BIBLIA SALMO 119:57-120
¿Ken uelis titlaxikoskej ijkuak titlajyouiaj?
w06-S 15/6 pág. 20 párr. 2
“¡Sapanoua nikpatioita motlanauatil!”
2 Itlanauatil toTajtsin Dios okiyolchika non salmista. Ye okitak toTajtsin Dios melauak okitekipachouaya tlen okipanouaya. Ye oyolpakiaya ijkuak okitaya okipaleuiaya itlanauatil toTajtsin Dios maski okitlajyouiltiayaj oksekimej. Noijki okitak Jehová kuali okiseliaya uan itlanauatil okipaleui mayeto okachi ixtlamatki uan okipaleui mayolto. Ye okitlakamatiaya toTajtsin Dios ikinon kuali okatka uan amo okikuejsouaya itlalnamikilis (Salmo 119:1, 9, 65, 93, 98, 165).
w00-S 1/12 pág. 14 párr. 3
¿Sapanoua tikinpatioitaj itlanauatiluan Jehová?
3 Akin okijkuilo Salmo sapanoua okinpatioitaya itlanauatiluan Jehová. Ikinon okijto ijkuak otlakuikak: “San niman nikchiua motlanauatiluan”. Akinmej amo yolkualmej onechtlajyouiltijkej pero ne amo onikilka motlanauatil (Salmo 119:60, 61). Tejuan techpaleuia matitlaxikokan ijkuak techtlajyouiltiaj porque tikmatij toTajtsin Dios techmakixtis inmak akinmej techkokoliaj. Ye techpaleuia para matitetlapouikan iTekiuajkayo (Marcos 13:10).
w06-S 1/9 pág. 14 párr. 4
Tlen okachi ipati omotlajtolti itech amochtli makuili Salmo
119:71. ¿Ken techpaleuis tla titlajyouiaj? Ijkuak titlajyouiaj uelis techpaleuis okachi matikneltokakan Jehová, okachi matimotlatlaujtikan, okachi matimomachtikan iTlajtol uan okachi matikintlakamatikan itlanauatiluan. Noijki motas tlen tikchiuaj ijkuak itlaj tikixnamikij uan ijkon tikitaskej tlen moneki okachi tikyektlaliskej. Amo tiyolchichiaskej tla tikitaskej tlen moneki okachi tikyektlaliskej ijkuak titlajyouiaj.
“Xichokakah inwah akimeh chokah”
3 San Jehová akin teiknomati techyolchikaua (xiktlajtolti 2 Corintios 1:3, 4). San Jehová kajsikamati ken timomachiliaj uan ye kijtoa techyolchikauas (Is. 51:12; Sal. 119:50, 52, 76).
5 Kuali ma tikmatokan Jehová techpaleuis. Ik non, ma tikiluikan ika nochi toyolo tlen tikmachiliaj. Techyolchikaua tikmatiskej Jehová techajsikamati ijkuak titlajyouiaj uan techyolchikaua. Pero ¿ken kichiua?
Matiktemokan ken techpaleuia Biblia
Nochipa ma titetlasojtlakan
11 Akinmej tikchiuaj ken Cristo tikpatioitaj tlen melauak. Uan melauak moajsi itech iTlajtol toTajtsin Dios. Jesús okilui iTajtsin: “Motlajtol ye tlan milák” (Juan 17:17). Ik non, para uelis tikpatioitaskej tlen melauak, moneki tikmatiskej tlen tlamachtia Biblia (Colosenses 1:10). Pero amo san non moneki tikchiuaskej. Akin okijkuilo Salmo 119 techpaleuia ma tikajsikamatikan tlen okseki moneki tikchiuaskej (xiktlajtolti Salmo 119:97-100). Itech nochi tonal moneki tikilnamiktoskej tlen otiktlajtoltijkej itech Biblia. Tla timokuayejyekoaj ken uelis techpaleuis tlen kijtoa, okachi tikpatioitaskej.
12 Akin okijkuilo Salmo 119 noijki okijto: “¡Tlen tikijtoa nikmachilia tsopelik itech nokamak, okachi tsopelik ken neujtli!” (Salmo 119:103). Amatlajkuilolmej tlen kinchijchiua ialtepe Jehová yeskia ken se tlakuali tlen sapanoa uelik. Ijkuak tikkuaj itlaj tlen sapanoa techpaktia, amo san niman tiktlamiaj. Noijki ijkuak timomachtiaj, amo san totoka ma tikchiuakan. Ijkon tikpatioitaskej tlen melauak, tikilnamikiskej tlen otiktlajtoltijkej uan ika tikinpaleuiskej oksekimej (Eclesiastés 12:10).
23-29 DE DICIEMBRE
KEN TECHPALEUIA BIBLIA SALMO 119:121-176
¿Tlen uelis tikchiuaskej para amo san titlajyouiskej?
Ma tikmachtikan totlalnamikilis ika tlanauatilmej uan ika principios bíblicos
5 Tla tiknekij ma techpaleuikan itlanauatiluan toTajtsin Dios amo san tikintlajtoltiskej uan tikinmixmatiskej. Moneki tikinpatioitaskej uan tikintlakamatiskej. ITlajtol toTajtsin Dios kijtoa: “Xikkokolikan tlen amo kuali uan xikchiuakan tlen kuali” (Amós 5:15). ¿Ken uelis ijkon tikchiuaskej? Moneki tikitaskej nochi tlamantli ken Jehová kita. Ma tikijtokan amo kuali tikochi uan akin tlapajtia mitsiluia kuali xitlakua. Xikchiua ejercicio uan xikpatla seki tlamantli. Tla tikchiuas ijkon ken omitsilui uan tikita melauak mitspaleuia, ¿amo tikpatioitas akin tlapajtia uan tlen omitsilui?
6 Noijki ijkon toTajtsin Dios akin otechchijchi otechmakak tlanauatilmej para amo ma titlajtlakolchiuakan uan ijkon amo ma titlajyouikan. Biblia techiluia amo ma titlakajkayauakan, amo ma titlachtekikan, amo ma tiauilnemikan, amo ma timoteuikan nion ma timokajkalakikan itech naualotl (xiktlajtolti Proverbios 6:16-19; Apoc. 21:8). Ijkuak tikitaj techpaleuia tiktlakamatij Jehová, okachi tiktlasojtlaj uan okachi tikinpatioitaj itlanauatiluan.
w93-S 15/4 pág. 17 párr. 12
¿Tlen okachi nankipatioitaj telpochmej uan ichpochmej?
12 Telpochmej uan ichpochmej moneki nankikokoliskej uan nankixtopeuaskej tlen amo kuali (Salmo 97:10). Xamo nankijtoskej ken uelis nankixtopeuaskej tlen amo kuali tla namechpaktia. Ximokuayejyekokan tlen uelis namechpanos. Biblia kijtoua: “Amo ximokajkayauakan: amikaj uelis kipinauis toTajtsin Dios. Tinochtin tikololoskej tlen tiktokaj. Ixpoliuis akin moyekana ika tlen amo kuali kineki kichiuas icuerpo” (Gálatas 6:7, 8). Ijkuak nankinekiskej ikaj iuan nanmotekaskej, ximokuayejyekokan ken momachilis Jehová ijkuak ijkon nankichiuaskej (noijki xikita Salmo 78:41). Tla ijkon nankichiuaskej uelis nankipiaskej se namokone tlen ayamo nankinekij nankipiaskej. Noijki uelis namechajsis se kokolistli tlen itoka sida. Noijki ximokuayejyekokan ken nanmomachiliskej satepan tla nantlajtlakolchiuaskej uan noijki xamo ayakmo nanmopatioitaskej. Noijki satepan sapanoua nantlajyouiskej. Se tokni okijto: “Ne iuan nonamik otimotekakej inuan oksekimej ijkuak ayamo otimoixmatiayaj. Axkan yitikchiuaj ken Cristo pero ualeua timokualaniaj uan timochauatiliaj porque otimotekakej inuan oksekimej ijkuak ayamo otimoixmatiayaj”. Tla nantlajtlakolchiuaskej ayakmo namechmakaskej tekitl itech tlanechikol uan xamo namechkixtiskej (1 Corintios 5:9-13). ¿Kox ipati sapanoua nantlajyouiskej?
Matiktemokan ken techpaleuia Biblia
Tikneltokaj melauak tlen kijtoua iTlajtol toTajtsin Dios
2 Akinmej tiktekichiuiliaj Jehová tikneltokaj ye kijtoua tlen melauak uan kineki kuali matiyetokan (Sal. 31:5; Is. 48:17). Tikmatij uelis tikneltokaskej tlen kijtoua Biblia porque nochi tlen ompa kijtoua melauak (xiktlajtolti Salmo 119:160). Tikneltokaj ijkon ken okijto se tlakatl tlen momachtia ken okitlajtolkopkej Biblia: “Nochi tlen toTajtsin Dios yokijto melauak uan nochi mochiua. Akinmej pouij itech ialtepe toTajtsin Dios kineltokaj tlen ye yokijto porque kimatij amo tlakajkayaua”.
30 DE DICIEMBRE-5 DE ENERO
KEN TECHPALEUIA BIBLIA SALMOS 120-126
Akinmej chokaj ijkuak tokaj, pakiskej ijkuak kololoskej tlatoktli
w04-S 1/6 pág. 16 párr. 10
Pakij akinmej kiueyichiuaj toTajtsin Dios
10 Tikixnamikij Satanás ijkuak peua tikchiuaj ken Cristo. Santiago 4:7 kijtoua: “Xikixnamikikan Diablo uan ye namechcholilis”. Xamo tikitaj oui ijkon tikchiuaskej. Pero moneki timochijchikauaskej miak tla tiknekij tiktekichiuiliskej toTajtsin Dios (Lucas 13:24). Salmo 126:5 kijtoua akinmej chokaj ijkuak tokaj, pakij ijkuak kololouaj tlatoktli. Jehová kipatioita tlen tikchiuaj. Ye “kinteochiua akinmej mochijchikauaj kitemouaj” uan noijki akinmej kiueyichiuaj (Hebreos 11:6).
¿Titlaneltokas ika nochi moyolo?
17 ¿Oixpoliuik ikaj akin otiktlasojtlaya? Ximomachti itech Biblia ken sekimej okinyolitijkej uan ijkon okachi tikneltokas kinyolitiskej akinmej oixpolikej. ¿Timoyolkokoua porque se mofamiliar okikixtijkej itech tlanechikol? Ximomachti uan tikitas Jehová techyektlalia porque techtlasojtla. Maski san tlen tikixnamikis, mitspaleuis okachi xitlaneltoka. Xikilui Jehová nochi tlen tikmachilia. Xiyeto iuan tokniuan uan amo san moselti (Prov. 18:1). Xikchiua seki tlamantli tlen mitsyolchikauas maski ualeua tichokas (Sal. 126:5, 6). Nochipa ximonechiko iuan tokniuan, xitetlapoui uan xiktlajtolti Biblia. Noijki ximokuayejyeko nochi tlen Jehová yokijto kichiuas. Ijkuak tikitas ken mitspaleuia Jehová, okachi titlaneltokas.
w01-S 15/7 págs. 18, 19 párrs. 13, 14
Matikololokan tlatoktli
13 Tokniuan tlen mochijchikauaj kitekichiuiliskej Jehová kinyolchikaua Salmo 126:5, 6 ijkuak kintlajyouiltiaj. Ompa kijtoua akinmej chokaj ijkuak tokaj, pakiskej ijkuak kololoskej tlatoktli. Akin chokati ijkuak kiuika isemillas, pakis ijkuak mokopati porque kiualikas tlen okololoto. Tlen okijto akin okijkuilo Salmo kiteititia ken okinmalui Jehová israelitas tlen okiskej Babilonia. Yejuan opakiayaj ijkuak okiskej Babilonia pero xamo ochokakej ijkuak opejkej tlatokaj ompa itech inmialtepe porque yokipiaya kanaj 70 xiuitl amo otokayaj. Pero opakej otekipanojkej akinmej amo okikajkej intlatok uan okiyektlalijkej inmialtepe.
14 Xamo tichokaj ijkuak itlaj tikixnamikij noso tichokaj ijkuak tokniuan tlajyouiaj porque kichiuaj tlen kuali (1 Pedro 3:14). Xamo titlajyouiaj ijkuak titetlapouiaj porque tikitaj amikaj techkaki. Pero matimochijchikauakan matikinpaleuikan oksekimej uan toTajtsin Dios kiteochiuas tlen tikchiuaj (1 Corintios 3:6). Ijkon mota ijkuak tikintemakaj biblias uan amatlajkuilolmej.
Matiktemokan ken techpaleuia Biblia
¿Titlachixtokej itech Jehová?
1 TIKATEJ itlamian tonalmej uan “yetos miak tlaijyowílistli” pero ajsis tonal tinochtin tiyetoskej ika yolseuilistli (2 Tim. 3:1). Ik non, ma timotlajtlanikan: “¿Akin itech timopaleuiaj?”. Xamo san niman tikijtoaj: “Itech Jehová”. Uan melauak kuali tla ijkon tikchiuaj.
2 ¿Tlen kijtosneki titlachixtoskej itech Jehová? ¿Ken tikmatij kox melauak titlachixtokej itech Jehová ijkuak tikpiaj ouijkayotl? Yiuejkika se salmista okijto moneki ma titlachixtokan itech Jehová ijkuak tikpiaj ouijkayotl (xiktlajtolti Salmo 123:1-4). Okijto ma titlachixtokan itech Jehová ken se tlakeuali tlachixtok itech iteko. ¿Tlen kijtosneki tlen okijto salmista? Se tlakeuali amo tlachixtok itech iteko porque kineltoka kitlamakas uan kimaluis. Noijki nochipa tlachixtok itech iteko para kimatis tlen kipaktia uan ijkon kichiuas tlen kineki. Noijki ijkon moneki mojmostla ma timomachtikan iTlajtol toTajtsin Dios para tikmatiskej tlen kineki ma tikchiuakan uan ma tikkauilikan ma techyekana. Tla ijkon tikchiuaskej ye techpaleuis (Efes. 5:17).