¿Otikmatiaya?
¿Ken okinpaleui israelitas ijkuak Jehová okinkauiliaya ma kitemakakan tórtolas uan palomas?
TLANAUATIL tlen okijkuilo Moisés okijtouaya Jehová okinkauiliaya israelitas ma kimakakan tórtolas noso palomas. Tlanauatil okijtouaya omonekiaya kitlamaniliskiaj uan uelis kitemakaskiaj tórtolas noso palomas (Lev. 1:14; 12:8; 14:30). Non okinpaleuiaya porque amo nochipa okajsiayaj tórtolas. Ma tikitakan tleka ijkon tikijtouaj.
Tórtola
Tórtolas chantij ompa Israel san ijkuak chikauak tlatotonia. Itech metstli octubre yauij itech okseki altepemej tlen katej ik sur kanin okachi tlatotonia uan mokopa ompa Israel ijkuak oksepa tlatotonia (Cant. 2:11, 12; Jer. 8:7). Ik non, ijkuak oseuaya israelitas amo okinmajsiayaj.
Paloma
Palomas amo kanaj yauij, ik non, israelitas okinmajsiayaj san niman itech inmialtepe uan noijki uelij okinpiayaj inkalijtik (noijki xikita Juan 2:14, 16). Se amochtli kijtoua altepetsitsintin tlen okinpiaya non altepetl, akinmej ompa ochantiayaj okinpiayaj palomas inkalijtik. Noijki okikoyoniayaj tepamitl para ompa ma kitlalikan intepajsol” (noijki xikita Isaías 60:8).
Paloma kajki kanin chanti
¿Tlen techmachtia? Jehová tetlasojtla uan teajsikamati, ik non, okinkauiliaya israelitas ma kitlamanilikan ika totomej tlen amo oui okinmajsiayaj.