Imikilis Jesús techpaleuia
Sejse xiuitl iTlaixpantijkauan Jehová kinyoleuaj sapanoua miakej inmiuan mamonechikokan para kilnamikiskej imikilis Jesús ijkon ken otlanauati (Lucas 22:19). Ijkuak timonechikouaj techpaleuia matikajsikamatikan tlen Jesús okichi topatka uan ken techpaleuia axkan uan satepan (Juan 3:16).
Tla otimonechiko nin xiuitl noso amo, ¿ken uelis mitspaleuis tlen Jesús okichi topatka? Jesús otechmachti moneki tikchiuaskej ome tlamantli miak ipati.
1. Xikixmati toTajtsin Dios uan noijki Jesús. Ijkuak Jesús okitlatlaujti iTajtsin okijto: “Nin kijtosneki yolilistli tlen amo keman tlamis, tla mitsixmatiskej te, akin melauak toTajtsin Dios, uan akin otikualtitlanki, Jesucristo” (Juan 17:3, TNM).
2. Xikchiua tlen timomachtia. Jesús okijto moneki tikchiuaskej tlen ye otlamachti. Ijkuak otlanki otlamachti itech tepetl, okijto mayolpaki akin kikaki uan kichiua tlen okijto (Lucas 6:46-48). Okse tonal noijki okijto: “Tla nonkajsikamatih iwa nonkichiwah tlan nomechilijtok, nonkipiaskeh miak pakílistli” (Juan 13:17).
¿Mitspaktiskia okachi tikixmatis toTajtsin Dios uan Jesús? ¿Tikneki tikmatis ken uelis tikchiuas tlen timomachtia? Nin seki tlamantli tlen uelis mitspaleuis.
Ximomachti Biblia
Ijkuak titlamachtiaj ika Biblia, tikinpaleuiaj makajsikamatikan uan makichiuakan tlen momachtiaj.
Para okachi tikmatis ken titlamachtiaj xikita kanin kijtoua Ximomachti Biblia.
Xikita video Tiyolpakij touan timomachtis Biblia para tikmatis ken tlamachtiaj iTlaixpantijkauan Jehová.
Innechikoluan iTlaixpantijkauan Jehová
ITlaixpantijkauan Jehová monechikouaj ome uelta itech se semana. Ompa momachtiaj Biblia uan kitaj ken kichiuaskej itech innemilis tlen momachtiaj.
Nochtin uelis monechikoskej, amo moneki tiyetos tiiTlaixpantijka Jehová para timonechikos. Uelis tias itech kali kanin monechikouaj noso ika videoconferencia.
Xikita video ¿Ken tikchiuaj tonechikoluan? para tikmatis tlen kichiuaj iTlaixpantijkauan Jehová ijkuak monechikouaj.
Xikalaki kanin kijtoua: “Ximonechiko inmiuan iTlaixpantijkauan Jehová” para tikmatis kanin uelis timonechikos.
Tlamachtilmej uan videos itech jw.org
Miakej tlamachtilmej uan videos tlen katej itech jw.org uelis mitspaleuiskej okachi ximomachti tlen otlamachti Jesús uan ken mitspaleuia imikilis.
Para okachi tikmatis ken techpaleuia imikilis Jesús, xikinmita tlamachtilmej: “¿Ken techmakixtia Jesús?” uan “¿Tleka Jesús otlajyoui uan omikik?” noso xikita video ¿Tleka omikik Jesús?