E+/IvanJekic via Getty Images
¿IKAJ OKICHIJCHI?
Patlani xinachtli tlen kipia xochitl diente de león
Miakej kixmati nin xochitl porque xinachtli tlen kipiaj uejka patlani. Ijkuak peua ejeka nochi xinachtli tlen kipia patlani ken yetoskiaj paracaídas tlen sapanoua tsikitsitsintin. Maski peua patlani ipan tlali yaui hasta kanaj se kilómetro (0,6 millas). ¿Ken kichiua? Ixtlamatkej kijtouaj nin xinachtli patlani kanaj naui uelta okachi uan amo molinia, paracaídas amo ijkon patlani.
Ximokuayejyeko: Se xinachtli kipiaj seki tlamantli ken yetoskia tsonkal, itoka vilano. Nin yetoskia ken se paracaídas tlen kipaleuia xinachtli para amo uetsis uan ijkon uejka patlani.
Sekimej ixtlamatkej kijtouaj xinachtli kipaleuia uejka mapatlani remolino tlen motlalia ikuapak ijkuak kajsi ejekatl.
Vilano amo san kipaleuia para mapatlani, ijkuak kajsi ejekatl motlalia ken remolino ikuapak. Nin moyaualojti uan non kichiua okachi uejka mapatlani uan amo mauetsi.
Nin tlamantli tlen kipia vilano kualtsin tekipanoua. Nin yetoskia ken se paracíadas pero okachi kualtsin porque kipaleuia uejka mapatlani. Noijki vilano amo kitekitiltia miak tlamantli kanaj 90% san ika ejekatl.
Ixtlamatkej kinekij kichiuaskej se tepostli mapatlani ijkon ken patlani xinachtli tlen kipia diente de león. Ijkon kinekij kichiuaskej ika drones tlen tsikitsitsintin para amo makitekitiltikan miak tlamantli ijkon ken xinachtli ijkuak patlani. Ninmej drones sapanoua tlapaleuiskej para ika kitaskej ken tekipanoua ejekatl.
Xikita ken Patlani xinachtli tlen kipia xochitl diente de león.
¿Ken tikita? ¿Ikaj okichijchi ken patlani xinachtli tlen kipiaj diente de león?