Moment/Robert D. Barnes via Getty Images
¿IKAJ OKICHIJCHI?
Inenepil uitsiki
Achto ixtlamatkej omokuayejyekouayaj inenepil uitsiki okichichinaya neujtli tlen kipia xochitl, yetoskia ken tlejko neujtli ika se tubo tlen sapanoua pitsaktsin. Pero satepan ixtlamatkej okitakej uitsiki amo san kichichina neujtli ye kitlatia neujtli itech inenepil.
Ximokuayejyeko: Ijkuak inenepil uitsiki kalaki ijtik neujtli moxeloua. Satepan motlapoua uan itempa mochiua okachi ueyi, nin kipaleuia makololo neujtli ika inenepil. Ijkuak kikixtia inenepil itech xochitl itempa san niman motsakua uan ijkon kitlatia neujtli.
Ixtlamatkej Alejandro Rico-Guevara, Tai-Hsi Fan uan Margaret Rubega kijtouaj nochi nin tlamantli mochiua san itech “se décima de segundo”. Noijki kijtouaj: ”Itempa inenepil san niman mopatla [...] ijkuak kalaki uan kisa kanin kajki neujtli”.
Nin tetlajtlachialti porque uitsiki amo sotlaua ijkuak ijkon kichiua. San ika inenepil kichiua nochi nin tlamantli. Amo moneki mochijchikauas ijkuak kikalakia inenepil ijtik neujtli porque san iselti motlapoua uan motsakua.
Ixtlamatkej mokuayejyekoua uelis kichiuaskej seki tlamantli para ika tlapajtiskej noso se robot mayeto ijkon ken inenepil uitsiki tlen kitlatia neujtli. Noijki kinekij kichijchiuaskej seki tepostli para ika kichipauaskej petróleo noso okseki tlamantli.
¿Ken tikita? Tlen kichiua inenepil uitsiki san iselti omochi noso ¿ikaj okichijchi?
Mota se uitsiki kikixtia inenepil.