Albert Wright/iStock via Getty Images
¿IKAJ OKICHIJCHI?
Itepajsol faisán australiano
Tototl faisán noso talégalo leipoa chanti ik sur ompa australia. Itepasol nin tototl nochipa kajki totonik kanaj 34 °C (93 °F). Ualeua tlejko noso temoua kanaj 2 noso 3 grados. ¿Tlen kichiua para nochipa mayeto totonik?
Ijkuak sapanoua seua ninmej totomej kichiuaj intepasol uan kichijchiuaj uejkatlan kanaj se metro (3 pies) uan kanaj eyi metros patlauak (10 pies). Satepan tototl okichtli kitlalia xiuitl, itlajsolo kuauitl uan okseki tlamantli itech itepajsol. Ijkuak ayakmo sapanoua seua uan peua kiaui nin tototl kichiua okse tlakoyoktli kanin kajki tlajsoli. Ompa kitlaliaj totoltetl noso teksistli uan ipan kitlaliaj xali. Satepan nochi tlajsoli tlen ijtik kajki peua palani uan ijkon peua totonia.
Para kitotonilis intepajsol (A), faisán kitekitiltia tonaltsin uan seki tlamantli tlen palani para matotonixto intepajsol (B). Para itepajsol nochipa matotonixto okichtli nochipa kiyektlalia itepajsol ika xali (C), ika ikxiuan kiyektlalia xali (D).
Okichtli kachiua xali ijkuak faisán siuatl kitlalia totoltetl noso teksistli uan san niman oksepa kitsakua ika xali. Siuatl uelis kitlalis kanaj 35 totoltetl noso teksistli uan uejkauas kanaj chikuase metstli porque peua septiembre uan tlami kanaj febrero.a
Ninmej totomej kimachiliaj kox totonik xali san ika intenpil. Yejuan san niman kipatla seki tlamantli para nochipa mayeto totonik intepajsol. Matikitakan seki tlamantli:
Itech primavera peua palani xiuitl uan sapanoua totonia itepasol ikinon okichtli kikixtilia seki xali tlen kipia para tepitsin maseseya. Satepan oksepa kitlalilia xali tlen amo totonik.
Ijkuak sapanoua tlatotonia tototl okichtli kitlalia okseki xali para amo sapanoua matotonia itepasol. Nochi kualkan kikixtilia seki xali para tepitsin maseseya uan satepan okseki kitlalilia xali tlen amo totonik.
Itech otoño ijkuak xiuitl palani tototl okichtli kachiua nochi xali para tonaltsin makitotoni teksistli noso totoltetl uan xali tlen okikixti. Ijkuak yiyouak oksepa kitlalilia xali para amo maseseya intepajsol.
Okichtli kachiua kanaj 850 kilos (1.874 libras) xali kanaj itech 5 horas. Nin kichiua xali amo matlakuaui. Ijkon ijkuak nesij totomej uelis san niman kisaskej.
Xikita tlen kichiua faisán ijkuak kiyektlalia intepajsol.
¿Ken tikita? Ken kimaluia itejpasol nin tototl san iselti otlamochi noso ¿ikaj okichijchi?
a Sejse totoltetl uejkaua kanaj chikome semanas para nesis. Ikinon okichtli moneki kimaluis intepajsol hasta abril.