AMO SAN MA TIMOTEKIPACHOKAN
¿Timotekipachoua?
Juliaa okijto: “Tinochtin itlaj techtekipachoua pero ne okachi nimotekipachoua. Amo san se tlamantli nechtekipachoua. Nechtekipachoua miak tlamantli. Yimiak xiuitl nikmaluia nonamik porque mokokoua uan amo kuali mokuayejyekoua”.
Barry okijto: “Nosiua onechkajte uan san noselti onikinmiskalti ome nokoneuan. Oui san ne onikinmiskalti. Noijki ayakmo onikpiaya kanin nitekipanos uan amo onikpiaya tomin tlen ika nikyektlaliskia nocarro. Amo onikmatiaya tlen nikchiuas. Sapanoua onimotekipachouaya. Onikmatiaya amo kuali tla nimomiktiskia, ik non, onikilui toTajtsin Dios ma nechkauili ma nimiki”.
Julia uan Barry sapanoua motekipachouaj. ¿Tejuatsin noijki ualeua tikmachilia ayakmo titlaxikoua? Tla ijkon mitspanoua, tlen kijtoua nin revista mitspaleuis uan timoyolchikauas porque techiluia tleka ualeua timotekipachouaj, tlen uelis techpanos uan tlen techpaleuis ayakmo okachi ma timotekipachokan.
a Otikinpatilijkej intoka.