1. ¿Itlajtlakol toTajtsin Dios titlajyouiaj?

¿Tleka moneki tikmatiskej?

Miakej amo kineltokaj toTajtsin Dios porque kijtouaj itlajtlakol titlajyouiaj.

Ximokuayejyeko nin tlamantli

Miakej tlamachtiaj itlajtlakol toTajtsin Dios titlajyouiaj, ik non, sekimej kijtouaj:

• ToTajtsin Dios techtlajyouiltia ijkuak tlaxixini.

• Konemej ixpoliuij porque toTajtsin Dios kinneki okachi miakej angelitos.

• ToTajtsin Dios kinpaleuia akinmej yauij guerras.

Pero ¿melauak tlen kijtouaj akinmej ijkon tlamachtiaj? ¿Kinselia toTajtsin Dios?

Biblia kijtoua

ToTajtsin Dios amo itlajtlakol titlajyouiaj

ToTajtsin Dios amo kipaktia tetlajyouiltis. Biblia kijtoua ye kuali iyelis:

“Nochi iojuiuan kipiaj melajkayotl. [...] Ye yolmelauak uan nochi kichiua ika melajkayotl” (DEUTERONOMIO 32:4).

“¡ToTajtsin Dios amo uelis kichiuas tlen amo kuali, akin kipia sapanoua miak chikaualistli amo kichiua tlen amo kuali!” (JOB 34:10).

“Akin kipia sapanoua miak chikaualistli amo kijtlakoua melajkayotl” (JOB 34:12).

ToTajtsin Dios amo kinselia religiones tlen san tlakajkayauaj

Ye amo kinselia akinmej kijtouaj ye itlajtlakol titlajyouiaj nion akinmej tlapaleuiaj ma yeto guerras.

“Profetas san tlakajkayajtokej ika notoka. Ne amitlaj onikinnauati ma kijtokan uan amo onikintitlanki. Amo melauak tlen kijtouaj, amitlaj ipati uan kijtouaj san tlen mokuayejyekouaj” (JEREMÍAS 14:14).

Jesús okijto amo kuali tlen kichiuaj akinmej san tlakajkayauaj

“Amo nochteh akimeh nechiliah: ‘¡Noteko, Noteko!’, kalakiskeh kan Dios tlanawatia. Sanwel akimeh kichiwah tlan kimonekiltia Notajtsi non kajki ilwikak. Itech neká tonati, miakeh nechiliskeh: ‘¡Noteko, Noteko!, tejwah otitetlapowijkeh ika Motoka iwa ika Motoka otikinkixtijkeh espíritus amokualteh, noiwa ika Motoka otikinchijkeh miakeh milagros’. Ijkuakó Ne nikinmilis: ‘¡Ayik onomechixma! ¡Ik nepa xiwiah, tlajtlakolchijkeh!’” (MATEO 7:21-23).