¿Tleka miak ipati matiktlakaitakan tofamilia?
MATIKTLAKAITAKAN TOFAMILIA
Akinmej pouij itech se familia kuali momachiliaj ijkuak motlakaitaj.
Se amochtli itoka Siete reglas de oro para vivir en pareja, kijtoua: “Ijkuak se tlakatl uan isiua motlakaitaj, amo san kiteititiaj motlasojtlaj ijkuak kimotliokoliaj itlaj sapanoua miak ipati. Noijki ijkon kichiuaj ijkuak kimotliokoliaj itlaj tlen mota amitlaj ipati” (okitlajtolkopki Sonia Tapia Sánchez).
Ixtlamatkej yokitakej konemej tlen tetlakaitaj okachi pakij, kuali mouikaj inuan inpapanuan uan amo moyolkokouaj.
¿TLEN UELIS TIKCHIUAS?
Ximotlapoui iuan mofamilia ken uelis nantetlakaitaskej. Achto, te uan mofamilia xikmatikan tlen kijtosneki nantetlakaitaskej. Satepan sejse xikijkuilokan tlen nankichiuaskej para nantetlakaitaskej uan tlen amo nankichiuaskej. Saiktlami ximotlapouikan tlen nankichiuaskej uan ijkon nanmotlakaitaskej.
Xikchiua tlen tikiluia mofamilia. Ximotlajtlani: “¿Nikteneua nofamilia ijkuak motlapololtiaj? ¿Nikinpinauia ijkuak kijtouaj tlen mokuayejyekouaj? ¿Nikinkaki ijkuak itlaj nechtlapouiaj?”. Xikilnamikto tejuatsin achto moneki titetlakaitas.
Nin uelis tikchiuas: Xiktlakaita mofamilia maski tikijtos amo moneki tikintlakaitas.
Xikintlakaita oksekimej ijkuak inuan timotlapouis. Amo san xikinmiluijto: “Te nochipa...” noso “Te amo keman...”. Non kiyolkokos mofamiliar uan nanmokualaniskej.
¿TLEN TIKCHIUAJ TIITLAIXPANTIJKAUAN JEHOVÁ?
Tejuan tikinmiluiaj oksekimej makintlakaitakan infamilia. Ijkon kijtouaj amochmej tlen tikinchijchiuaj, amatlajkuilolmej uan videos uan nochi nin tlamantli amitlaj tiktlaxtlauas.
AKINMEJ YOMONAMIKTIJKEJ: Seki tlamachtilmej tlen katej kanin kijtoua “¿Tlen uelis kinpaleuis familias?” kijtoua tlen nankichiuaskej tla...
... amo nanmoyektlapouiaj.
... amo nanmonotsaj.
... nanmokualaniaj.
(Xikalaki itech jw.org uan kanin kijtoua xitlatemo xikijkuilo “¿Tlen uelis kinpaleuis familias?”).
TETAJMEJ: Seki tlamachtilmej tlen katej kanin kijtoua “¿Tlen uelis kinpaleuis familias?” kijtoua tlen mitspaleuis xikinmachti mokoneuan...
... matetlakamatikan.
... matlapaleuikan namokalijtik.
... mamotlasojkamatikan.
(Xikalaki itech jw.org uan kanin kijtoua xitlatemo xikijkuilo “Kuali ma tikinmiskaltikan tokoneuan” uan “Telpochmej uan ichpochmej”).
Noijki xikita amochtli Lo que los jóvenes preguntan. Respuestas prácticas (volumen 1) kanin kijtoua “Los padres preguntan” (xikalaki itech jw.org uan kanin kijtoua xitlatemo xikijkuilo “Los padres preguntan”).
TELPOCHMEJ UAN ICHPOCHMEJ: Xikalaki itech jw.org kanin kijtoua “Telpochmej uan ichpochmej” katej seki tlamachtilmej, videos uan okseki tlamantli tlen mitspaleuis...
... kuali ximouika inuan mopapanuan uan mokniuan.
... xikintlakaita mopapanuan ijkuak mitsiluiskej tlen amo mitspaktis.
... mamitsneltokilikan mopapanuan.
(Xikalaki itech jw.org uan kanin kijtoua xitlatemo xikijkuilo “Telpochmej uan ichpochmej”).
Amitlaj tiktlaxtlauas tla tikalakis itech jw.org nion moneki tikijkuilos okseki tlamantli.