¿Tleka miakej ayakmo motlakaitaj?

MIAK IPATI MATIMOTLAKAITAKAN

Akinmej motlakaitaj kimatij ken kiyektlaliskej tlen kixnamikij uan amo san niman mosotlauaj.

Ixtlamatkej yokitakej akinmej amo motlakaitaj okachi motekipachouaj, moyolkokouaj uan amo kuali tlakuaj. Noijki tlakonij, konij miak pajtli uan kintekitiltiaj drogas.
Akinmej motlakaitaj kitaj tlen kuali kichiuaj uan amo san kitaj tlen kichiuaj oksekimej. Non kinpaleuia nochipa mamouikakan inuan oksekimej. Pero akinmej amo motlakaitaj kinteneuaj oksekimej ikinon amo ueli inuan mouikaj.
Akinmej motlakaitaj amitlaj kintsakuilia makichiuakan tlen yokijtojkej. Pero akinmej amo motlakaitaj moyolkokouaj ijkuak motlapololtiaj uan ayakmo itlaj kichiuaj porque mosotlauaj.

¿TLEN UELIS TIKCHIUAS?

Ximouika inuan akinmej mitsyolchikauaskej xikchiua tlen kuali. Ximouika inuan akinmej tetlakaitaj, akinmej kinekij mitspaleuiskej uan akinmej mitsyolchikauaj xikchiua tlen kuali.

“Se melauak toyolikni nochipa kiteititia techtlasojtla uan ye se tokni tlen kajki ijkuak timoyolkokouaj” (Proverbios 17:17).

Xikinpaleui oksekimej. Tipakis uan kuali timomachilis tla tikinpaleuis oksekimej maski yejuan amo mitspaleuiskej. Tipakis maski oksekimej amo mitstlasojkamatiliskej ijkuak tikinpaleuis.

“Okachi paki akin itlaj kitemaka uan amo ijkuak itlaj kiselia” (Hechos 20:35).

Xikinpaleui mokoneuan mamotlakaitakan. Xikinpaleui mokoneuan inselti makiyektlalikan ijkuak itlaj kixnamikiskej. Non kinpaleuis makimatikan tlen kichiuaskej ijkuak itlaj kinpanos. Noijki kinpaleuis ijkuak moskaltiskej uan motlakaitaskej.

“Kuali xikmachti chokotsin para kuali mauia uan maski kipias miak xiuitl kichiuas tlen kuali” (Proverbios 22:6).

Se tokni kimachtia se siuatl kanin kinemakaj café.

¿TLEN TIKCHIUAJ TIITLAIXPANTIJKAUAN JEHOVÁ?

Akinmej touan monechikouaj uan momachtiaj Biblia, okachi pakij uan non kinpaleuia mamotlakaitakan.

CHICHIKOMETIKA TIMONECHIKOUAJ

Tlen timomachtiaj chichikometika ijkuak timonechikouaj kisa itech Biblia. Noijki techiluiaj seki tlamantli tlen techpaleuia matimotlakaitakan. Amitlaj tiktlaxtlauas tla timonechikos uan uelis yas san akin kinekis. Ompa timomachtis...

... toTajtsin Dios mitspatioita.
... ken uelis tipakis.
... tlen mitspaleuis ximouika inuan oksekimej.

Ompa tikinmajsis moyolikniuan tlen melauak kintekipachoua tlen kinpanoua oksekimej (1 Corintios 12:25, 26).

Xikalaki itech jw.org tla tikneki okachi tikmatis tlen tikchiuaj ijkuak timonechikouaj uan xikita video ¿Ken tikchiuaj tonechikoluan?

TEJUAN TITLAMACHTIAJ TLEN KIJTOUA BIBLIA

Tejuan titlamachtiaj ika se amochtli itoka Tiyoltos uan tiyolpakis uan amitlaj tiktlaxtlauas tla timomachtis. Nin amochtli kinpiaj tlajtlanilmej tlen mitspaleuis ximokuayejyeko uan mitspaleuis xikinmajsikamati seki textos. Amo oui tikajsikamatis tlen ompa kijtoua, kinpia videos tlen techyolchikauaj uan kinpia kuajkualtsitsintin fotos. Tlen tlamachtia Biblia kinpaleuia oksekimej mamopatioitakan uan makipiakan kualtsin innemilis.

Xikalaki itech jw.org uan xikita video ¿Tleka moneki timomachtis Biblia? para tikmatis ken mitspaleuis tla timomachtis inuan iTlaixpantijkauan Jehová.