¿Ken uelis yolpakiskej familias?
¿Tikijtoskia...
... ika tlasojtlalistli?
... ika tomin?
... ika okse tlamantli?
TLEN KIJTOUA BIBLIA
“¡Okachi kuali yolpakilisojkeh akimeh kikakih itlajtol Dios iwa kitlakitah!” (Lucas 11:28, Itlajtol Totajtsi Dios.)
KEN TECHPALEUIA TIKMATISKEJ
Tofamilia motlasojtlaskej (Efesios 5:28, 29).
Motlakaitaskej (Efesios 5:33).
Uan kuali yetoskej (Marcos 10:6-9).
¿UELIS TIKNELTOKASKEJ TLEN KIJTOUA BIBLIA?
Kema, san tikitaskej ome tlamantli tlen kiteititia tleka:
ToTajtsin Dios okintlali familias. Biblia kijtoua toTajtsin Jehová “okintlali nochtin familias” (Efesios 3:14, 15, Traducción del Nuevo Mundo). Nin kijtosneki familias yetokej porque Jehová okintlali. ¿Tleka miak ipati tikmatiskej nin?
Ximokuayejyeko: Tla tikuajtoskia se tlakuali uelik uan tiknekiskia tikmatis ken mochiua, ¿akin tiktlajtlaniskia? Akin okichi.
Noijki ijkon, tla tikneki tikmatis ken uelis yolpakiskej mofamilia, moneki tiktlajtlanis Jehová, porque ye okinchijchi familias (Génesis 2:18-24).
ToTajtsin Dios totech motekipachoua. Tejuatsin uan mofamilia moneki nankitemoskej itech Biblia ken namechpaleuia Jehová, porque “Ye nomechmokuitlawia [noso namechmaluia]” (1 Pedro 5:6, 7). Jehová kineki kuali ma tiyetokan. Uan tlen ye techiluia nochipa techpaleuia (Proverbios 3:5, 6; Isaías 48:17, 18).
XIMOTLAJTLANI
¿Ken uelis niyetos se kuali tlakatl, siuatl noso teta?
Biblia technankilia itech EFESIOS 5:1, 2 uan COLOSENSES 3:18-21.