¿Uelis oksepa yoltoskej akinmej yomikej?

TLEN KIJTOUA BIBLIA

“Nochteh non yomikkeh moyolitiskeh.” (Hechos 24:15, Itlajtol Totajtsi Dios.)

KEN TECHPALEUIA TIKMATISKEJ

Techyolseuis ijkuak mikis ikaj akin tiktlasojtlaj (2 Corintios 1:3, 4).

Ayakmo tikmauiliskej mikilistli (Hebreos 2:15).

Melauak tikneltokaskej oksepa tikinmitaskej akinmej tikintlasojtlaj tlen yomikej (Juan 5:28, 29).

¿UELIS TIKNELTOKASKEJ TLEN KIJTOUA BIBLIA?

Kema, san tikitaskej eyi tlamantli tlen kiteititia tleka:

• ToTajtsin Dios oKichijchi yolilistli. Biblia kijtoua itech Jehová “uits yolilistli” (Salmo 36:9; Hechos 17:24, 25). Tla Jehová okimakak yolilistli nochi tlen yoltok, melauak uelis oksepa kinyolitis akinmej yomikej.

• Yiuejkika toTajtsin Dios yokinyoliti tlaltikpaktlakamej. Biblia techtlapouia itech chikueyi tlaltikpaktlakamej tlen okinyoliti —tlakamej uan siuamej tlen tlatlamantli xiuitl okipiayaj— uan oksepa onenkej nikan Tlaltikpak. Sekimej yikin omikaj; pero se tlakatl yokipiaya naui tonal omikik (Juan 11:39-44).

• ToTajtsin Dios melauak kineki kinyolitis akinmej yomikej. Jehová kikokolia mikilistli, porque kita ken ikaj tlen tekokolia (1 Corintios 15:26). Ye melauak kineki kipojpolos mikilistli uan kichiuas ika yolitilistli. Ye sapanoua kineki oksepa ma yoltokan itech Tlaltikpak akinmej ye kinmilnamiktok (Job 14:14, 15).