¿Akin tlanauatia nikan Tlaltikpak?

TLEN KIJTOUA BIBLIA

“Nochteh n tlaltikpaktlakah non amo kineltokah Dios kinnawatijtok n satanás.” (1 Juan 5:19, Itlajtol Totajtsi Dios.)

“Ikone n Totajtsi Dios, owala itech nin tlaltíkpaktli para kipojpolos nochi tlan kichiwa n diablo.” (1 Juan 3:8.)

KEN TECHPALEUIA TIKMATISKEJ

Tikajsikamatiskej kanin peua ouijkayotl tlen onka itech Tlaltikpak (Apocalipsis 12:12).

Uelis tikneltokaskej satepan kuali tlayetos itech Tlaltikpak (1 Juan 2:17).

¿UELIS TIKNELTOKASKEJ TLEN KIJTUOA BIBLIA?

Kema, san tikitaskej eyi tlamantli tlen kiteititia tleka:

• Itekiuajkayo Satanás tlamis. Jehová yokijto ayakmo kikauilis Satanás ma kinnauati tlaltikpaktlakamej. Ye kijtoua kipojpolos “amokualitlakatl [noso Diablo]”, uan kiyektlalis nochi tlen okijtlako (Hebreos 2:14).

• ToTajtsin Dios okipejpenki Jesucristo ken tekiua. Jesús amo ken akin tlayekana axkan itech Tlaltikpak, akin amo yolkuali uan san ye kineki moyolpaktis. ToTajtsin Dios kijtoua tlen kichiuas itekiuajkayo Cristo: “Kiknomatis akin tlajyouia uan akin amo itlaj kipia [...]. Kinpaleuis amo ma kintlajyouiltikan nion ma kinteuikan” (Salmo 72:13, 14).

• ToTajtsin Dios amo uelis tlakajkayauas. Biblia kijtoua “Dios amo weletis techkajkayawas” (Hebreos 6:18). Ik non, ijkuak Jehová kijtoua kichiuas itlaj, ma tikmatokan melauak kichiuas (Isaías 55:10, 11). Uan Jehová yokijto “kualkixtiskeh akin kinawatia nin tlaltíkpaktli” (Juan 12:31).