Nikan peua sección 9

Itech ninmej tlamachtilmej timomachtiskej ken okipixkej chikauak intlaneltokilis sekimej konemej, teotlajtojkej uan uejueyij tekiuajkej. Itech Siria, se takotsin israelita okineltokaya teotlajtojki Eliseo kipajtiskia Naamán. Teotlajtojki Eliseo okineltokaya Jehová kimaluiskia. Ueyi teopixki Jehoiadá okimalui Jehoás ijkuak okatka chokotsin porque isitsin tlen omotokayotiaya Atalía okinekiaya kimiktis. Ueyi tekiua Ezequías okineltokaya Jehová kimakixtiskia Jerusalén uan amo okinmauili soldados asirios. Ueyi tekiua Josías okinpojpolo teotsitsintin, okiyektlali teokali uan okinpaleui akinmej ochantiayaj ialtepe oksepa ma kiueyichiuakan Jehová.