Nikan peua sección 11
Itech ninmej tlamachtilmej tikitaskej tlen kijtoa Escrituras Griegas Cristianas. Tikitaskej ikalchanejkauan Jesús amo okipiayaj miak tomin uan ochantiayaj itech se altepetsintli. Jesús otekitik iuan itajtsin akin okatka kuajxinki. Noijki, Jesús otechmakixtiko. Jehová okipejpenki para ma tlanauati itech Tekiuajkayotl tlen kajki iluikak. Tla tikinpia mokoneuan, xikinpaleui ma kajsikamatikan Jehová kuali okinpejpenki ikalchanejkauan Jesús para kuali kiskaltiskiaj. Xikinmachti ken Jehová okimalui Jesús ijkuak Herodes okinekiaya kimiktis. Jehová nochipa kichiua itlanekilis uan amo ikaj ueli kitsakuilia. Xikinmachti mokoneuan Jehová okipejpenki Juan para kitematiltiskia ualaskia Jesús. Xikinpaleui ma kajsikamatikan Jesús desde chokotsin okipatioitaya ixtlamatilis Jehová. Ye otlaneltokaya itech Jehová, amo san okichiuaya tlen omokuayejyekoaya.