Nikan peua sección 12

Jesús otetlapoui itech Tekiuajkayotl tlen kajki iluikak. Noijki okinmachti oksekimej ma kijtokan ijkuak motlatlaujtiskiaj ma mochipaua itoka toTajtsin Dios, ma uiki iTekiuajkayo uan ma mochiua itlanekilis nikan Tlaltikpak. Tla tikinpia mokoneuan, xikinpaleui ma kajsikamatikan tlen kijtosneki non tlatlaujtilistli. Satanás amo ueli okichi Jesús ma kikaua toTajtsin Dios. Jesús okipatioitaya tlaneltokalistli tlen melauak. Okinpejpenki itlatitlaniluan, akinmej kipeualtiskiaj Tekiuajkayotl. Jesús okinekiaya kinpaleuis oksekimej, ik non, okinpajti akinmej omokokoayaj, okintlamakak akinmej oapismikiayaj uan hasta okinyoliti sekimej. Ika milagros tlen Jesús okichi, okiteititi ken techteochiuas iTekiuajkayo toTajtsin Dios.