TLAMACHTIL 14

Xikojpaui tlen okachi ipati

Hebreos 8:1

XIKILNAMIKTO: Ijkuak titlamachtis xikinpaleui ma kikaktokan tlen tikintlapouis. Noijki xikinmilui seki tlamantli tlen tikinmachtis.

Xikilnamikto tlen tikneki tikinmachtis. Xikita kox san tikneki itlaj tikinmatiltis noso tikneki ma kineltokakan. Noijki xikita ma kinpaleui tlen okachi ipati.

Ximotlajtlani: “¿Tlen uelis motlajtlaniskej akinmej nikinmachtis? ¿Tlen achto nikintlajtlanis?”. Satepan ijkon ximomachti uan ijkon kuali mitskakiskej, kajsikamatiskej uan kineltokaskej tlen tikintlapouis.
Xikijto tlen titlamachtis. Xikijto tlen itoka tlamachtil tlen tiktemakas noso xikijto seki tlajtolmej tlen okachi tikintekitiltis.
Xikita tlen okachi ipati ma moajsikamati. Xikpejpena tlen okachi ipati ma mouika iuan tlen titlamachtis uan xikpanolti san itech minutos tlen moneki. Xikijto san seki tlamantli tlen okachi ipati. Kuali xikijto tlen kijtosneki uan amo san totoka.

Xikijto tlen okachi ipati ijkuak peuas titlamachtis uan noijki ijkuak titlamis.