Xikojpaui tlen okachi miak ipati

¿San niman tikilkaua tlen otimomachti? Ualeua tinochtin ijkon techpanoua. ¿Tlen mitspaleuis amo xikilkaua tlen otimomachti? Xikojpaui.

Ijkuak timomachtis ximokuayejyekojti tlen okachi miak ipati timomachtia. Apóstol Pablo ijkon okinmilui tokniuan tlen omomachtijtokaj icarta. Ye okijto: “Nin tlen okachi ipati tikijtojtokej” (Heb. 8:1). Ijkon okinpaleui makajsikamatikan tlen okinmiluijtoka uan amo okipapatlak tlen okinmilui.

Ijkuak yititlamis timomachtis, nochipa ximokuayejyeko tlen okachi miak ipati otimomachti. Uelis ijkon tikchiuas kanaj 10 minutos. Tla amo tikilnamiki tlen otimomachti oksepa xikintlajtolti subtítulos noso kanin peuaj párrafos. Tla otimomachti itlaj tlen ayamo otikmatiaya xikijto tlen otikajsikamatki. Tla tikojpauis tlen otimomachti mitspaleuis xikilnamikto tlen okachi miak ipati. Noijki mitspaleuis xikchiua tlen otimomachti.