TLAMACHTIL 11
¿Tlen moneki tikchiuaskej tla tiknekij matechpaleui tlen kijtoua Biblia?
¿Tikita oui ijkuak itlaj yikin peua tikchiua? Tla ijkon mitspanoua, xamo yolik tikchiua para ijkon amo oui tikitas. Xamo noijki oui tikitas tiktlajtoltis Biblia, ikinon tikneki tikmatis kanin peuas tiktlajtoltis. Itech nin tlamachtil tikitaskej tlen uelis mitspaleuis para mitspaktis ijkuak tiktlajtoltis uan timomachtis Biblia.
1. ¿Tleka moneki nochipa matiktlajtoltikan Biblia?
Ijkuak ikaj kitlajtoltia Biblia noso “itlanauatil Jehová”, yolpaki uan kuali kisa tlen kichiua (xiktlajtolti Salmo 1:1-3). Ximochijchikaua tiktlajtoltis maski san tepitsin sejse tonal. Okachi mitspaktis tlen kijtoua Biblia ijkuak tikitas tlen ompa kijtoua.
2. ¿Tlen moneki tikchiuas uan ijkon mitspaleuis tlen kijtoua Biblia?
Tla tiknekij matechpaleui tlen kijtoua Biblia, moneki itlaj tikchiuaskej. Amo san moneki tiktlajtoltiskej, noijki moneki matimokuayejyekokan tlen ompa kijtoua (Josué 1:8). Ijkuak tiktlajtoltis, ximokuayejyeko: “¿Ken nechpaleuiaj ninmej versículos okachi manikixmati Jehová? ¿Ken uelis nikchiuas tlen nikan kijtoua? ¿Ken uelis ika nikinyolchikauas oksekimej?”.
3. ¿Tlen moneki tikchiuas para timajxilis tiktlajtoltis Biblia?
¿Amo timajxilia tiktlajtoltis Biblia? Timiakej noijki amo timajxiliaj. Kuali xikita tlen okachi moneki tikchiuas (Efesios 5:16). Ikinon ximokuayejyeko tlen hora uelis tiktlajtoltis Biblia. Sekimej kinpaktia kitlajtoltiskej kualkan, oksekimej kitlajtoltiaj ijkuak moseuiaj noso tlakuaj uan oksekimej kitlajtoltiaj youak ijkuak yikochiskej. ¿Keman mitspaktiskia tiktlajtoltis?
MATIMOMACHTIKAN
Matikitakan tlen uelis tikchiuaskej para ijkon okachi techpaktis tiktlajtoltiskej Biblia. Nikan tikitaskej tlen techpaleuis uan ijkon okachi kuali timomachtiskej.
Ijkon ken peua tikueliliaj seki tlakuali, noijki ijkon uelis techpaktis tiktlajtoltiskej Biblia.
4. Mamitspakti tiktlajtoltis Biblia
Xamo oui tikitaj tikpeualtiskej tiktlajtoltiskej Biblia. Ijkon ken ijkuak itlaj yikin peua tikyekouaj uan satepan tikueliliaj, noijki ijkon uelis techpaktis tiktlajtoltiskej Biblia. Xiktlajtoltikan 1 Pedro 2:2 uan satepan xikitakan tlen namechmachtia.
¿Timokuayejyekoua tla nochipa tiktlajtoltis Biblia satepan okachi mitspaktis?
Xikitakan VIDEO para nankitaskej tlen okinpaleui makinpakti kitlajtoltiskej Biblia sekimej telpochmej uan ichpochmej. Satepan xikitakan tlen namechmachtia.
¿Tlen okichijkej sekimej telpochmej uan ichpochmej?
¿Tlen okinpaleui uan ijkon amo omosotlajkej?
¿Tlen okinpaleui para makinpakti kitlajtoltiskej Biblia?
Ijkin uelis tikchiuas:
Xikpejpena se Biblia tlen ajsitok uan tlen amo oui se kajsikamatis. Xiktlajtolti Traducción del Nuevo Mundo tla kajki ika motlajtol.
Achto xiktlajtolti kanin okachi mitspaktia. Mitspaleuis tabla kanin kijtoua “Nin mitspaleuis xiktlajtolti Biblia”.
Xikijkuilojti tlen yotiktlajtolti. Xikijkuilo itech tabla tlen itoka “Kanin niktlajtoltijti Biblia” tlen kiualika nin amatlajkuilol.
Xiktekitilti aplicación JW Library®. Tla tiktlalis nin aplicación itech moteléfono noso itech motableta, uelis tiktlajtoltis uan tikkakis Biblia san tlen hora tiknekis.
Uelis tikitas: Amatlajkuilol tlen mitspaleuis timomachtis iTlajtol toTajtsin Dios. Ompa tikinmajsis mapas uan dibujos tlen mitspaleuis mamitspakti tlen tiktlajtoltis itech Biblia.
5. Ximoyektlali achto mitsmachtitiuij
Xiktlajtoltikan Salmo 119:34 uan satepan xikitakan tlen namechmachtia.
¿Tleka moneki timotlatlaujtis achto tiktlajtoltis Biblia uan achto timomachtis?
¿Tlen mitspaleuis okachi kuali ximomachti? Ijkuak timomachtis ika nin amochtli, ijkin xikchiua:
Xikintlajtolti nochi párrafos tlen katej kanin peua sejse tlamachtil.
Xikintemo textos, xikintlajtolti uan xikita ken mitspaleuia xikajsikamati tlen timomachtijtok.
Xiktlapalui kanin monankilia tlen timomachtijtok. Tla ijkon tikchiuas, mitspaleuis ijkuak mitsmachtitiuij.
¿Otikmatiaya?
TiiTlaixpantijkauan Jehová yotikintlajtoltijkej miak Biblias pero okachi techpaktia Traducción del Nuevo Mundo porque ajsitok uan san niman moajsikamati tlen ompa kijtoua uan noijki itech ijkuilitok itoka toTajtsin Dios (xikita nin tlamachtil itech jw.org: “¿Okichijchijkej inBiblia iTlaixpantijkauan Jehová?”).
SEKIMEJ KIJTOUAJ: “Amo uelis nimomachtis Biblia, amo nimajxilia nion nechpaktia niktlajtoltis”.
¿Tlen timokuayejyekoua?
XIKILNAMIKTO
Tla tikneki okachi mamitspaleui tlen kijtoua Biblia, xikita tlen hora tiktlajtoltis, xiktlatlaujti toTajtsin Dios mamitspaleui tikajsikamatis uan ximoyektlali achto mitsmachtitiuij.
Matikojpauikan
¿Tlen moneki tikchiuas para mitspaleuis tlen kijtoua Biblia?
¿Tlen hora uelis timomachtis uan tiktlajtoltis Biblia?
¿Tleka moneki timoyektlalis achto mitsmachtitiuij?
NIN NOIJKI MITSPAKTIS
Ximomachti seki tlamantli tlen mitspaleuis ijkuak tiktlajtoltis Biblia.
“Ma mitsyolpakti tiktlajtoltis Biblia” (Akin Tetlapouijtok, núm. 1, 2017)
Xikita eyi tlamantli tlen mitspaleuis ijkuak tiktlajtoltis Biblia.
Xikita tlen uelis mitspaleuis para mitspaktis ijkuak tiktlajtoltis Biblia.
Xikita tlen kijtouaj sekimej tlen yiuejkika kitlajtoltiaj Biblia.
¿Ken uelis timomachtiskej Biblia uan ijkon okachi techpaleuis? (2:06)