TLAMACHTIL 55
Xitlapaleui kanin timonechikoua
Itech nochi tlaltikpak miakej kiueyichiuaj Jehová kanin monechikouaj. ITlaixpantijkauan Jehová kipatioitaj tlen kinmachtiaj, ken kinyekanaj uan mochijchikauaj tlapaleuiskej kanin monechikouaj. ¿Mitspaktia kanin timonechikoua?
1. ¿Ken uelis titlapaleuis kanin timonechikoua?
Kanin timonechikouaj uelis tinochtin titlapaleuiskej. Tla kanin timonechikoua ikaj yikipia miak xiuitl noso mokokoua uelis tikpaleuis, uelis tikuikas kanin nanmonechikouaj, itlaj tikkouiliti noso titlachipauas ikalijtik (xiktlajtolti Santiago 1:27). Noijki uelis titlapaleuiskej ijkuak tlachipauaj uan tlayektlaliaj kanin timonechikouaj. Amikaj techchiualtia matitlapaleuikan, titlapaleuiaj porque tiktlasojtlaj Jehová uan tokniuan (Salmo 110:3).
Tokniuan tlen yomoapolaktijkej uelis okachi tlapaleuiskej. Tlakamej tlen mochijchikauaj kichiuaskej tlen kijtoua Biblia uelis tlapaleuiskej ken siervos ministeriales uan satepan ken tlayekankej. Tinochtin maski titlakamej noso tisiuamej uelis okachi titetlapouiskej uan hasta timochiuaskej precursores. Sekimej tokniuan noijki tlapaleuiaj kanin kinchijchiuaj kalmej para monechikoskej uan oksekimej yauij itech okseki nechikolmej kanin moneki okachi makinpaleuikan.
2. ¿Ken uelis titlapaleuiskej ika tlen tikpiaj?
Biblia kijtoua: “Xikueyichiua Jehová ika tlamantli miak ipati tlen tikpia” (Proverbios 3:9). Tejuan techpaktia tiktemakaskej totomin para titlapaleuiskej kanin timonechikouaj uan noijki para mamotetlapoui (xiktlajtolti 2 Corintios 9:7). Noijki techpaktia tiktemakaskej totomin para makinpaleuikan tokniuan ijkuak itlaj tlamochiua. Miakej kixelouaj intomintsin para kitemakaskej (xiktlajtolti 1 Corintios 16:2). Uelis tiktlaliskej itech cajas kanin timonechikouaj noso noijki itech internet itech página donate.jw.org. Jehová techkauilia matikmakakan tlen tikpiaj uan ijkon tikteititiaj tiktlasojtlaj.
MATIMOMACHTIKAN
Matikitakan ken uelis okachi titlapaleuis kanin timonechikoua.
3. Uelis tiktemakas tlen tikpia
Jehová uan Jesús kitlasojtlaj akin kipaktia itlaj kitemakas. Jesús sapanoua okipatioitak ijkuak se siuatl tlen ayakmo okipiaya inamik okitemakak nochi tlen okipiaya. Xiktlajtoltikan Lucas 21:1-4 uan satepan xikitakan tlen namechmachtia.
¿Moneki tiktemakaskej miak tomin para tikyolpaktiskej Jehová?
¿Ken momachiliaj Jehová uan Jesús ijkuak kitaj tiktemakaj tlen tikpiaj ika nochi toyolo?
Para tikmatis ken kitekitiltiaj tomin tlen tiktemakaj, xikitakan VIDEO. Satepan xikitakan tlen namechmachtia.
¿Ken kinpaleuia nochtin tokniuan tomin tlen tiktemakaj?
4. Uelis titlapaleuis
Itekipanojkauan toTajtsin Dios tlen yiuejkika okatkaj amo san okitemakayaj intomin, noijki okse tlamantli otlapaleuiayaj. Xiktlajtoltikan 2 Crónicas 34:9-11 uan satepan xikitakan tlen namechmachtia.
¿Ken otlapaleuijkej israelitas para kiyektlaliskiaj kali kanin okiueyichiuayaj Jehová?
Para tikmatis ken axkan noijki ijkon tikchiuaj, xikitakan VIDEO. Satepan xikitakan tlen namechmachtia.
¿Tleka moneki tikchipauaskej uan tikyektlaliskej kali kanin timonechikouaj?
¿Ken uelis titlapaleuis?
5. Tokniuan tlakamej uelis okachi tlapaleuiskej
Biblia kinyoleua tokniuan tlakamej ma mochijchikauakan para okachi tlapaleuiskej kanin monechikouaj. Para tikmatis tlen okichi se tokni, xikitakan VIDEO. Satepan xikitakan tlen namechmachtia.
¿Tlen okichi Ryan para okachi tlapaleuis?
Biblia kijtoua tlen moneki kichiuaskej akinmej kinekij tlapaleuiskej ken siervos ministeriales uan tlayekankej. Xiktlajtoltikan 1 Timoteo 3:1-13 uan satepan xikitakan tlen namechmachtia.
¿Tlen moneki kichiuaskej akinmej kinekij tlapaleuiskej ken siervos ministeriales uan tlayekankej?
¿Tlen moneki kichiuaskej infamilias? (Xikitakan versículos 4 uan 11).
Tla tokniuan tlakamej mochijchikauaj kichiuaskej tlen moneki, ¿ken uelis kinpaleuiskej oksekimej?
SEKIMEJ KIJTOUAJ: “¿Kanin kisa tomin tlen kitekitiltiaj iTlaixpantijkauan Jehová?”.
¿Tlen tikijtoskia?
XIKILNAMIKTO
Jehová sapanoua kipatioita ijkuak timochijchikauaj titlapaleuiskej uan tiktemakaskej tlen tikpiaj.
Matikojpauikan
¿Ken uelis titlapaleuiskej ika tlen tikmatij tikchiuaj?
¿Ken uelis titlapaleuiskej ika tlen tikpiaj noso ika totomin?
¿Ken mitspaktiskia titlapaleuis kanin timonechikoua?
NIN NOIJKI MITSPAKTIS
Xikita tleka toTajtsin Dios ayakmo techiluia matiktemakakan diezmo.
“¿Kijtoua Biblia ma tiktemakakan diezmo?” (Nin tlamachtil kajki itech jw.org/ncx)
Biblia kijtoua tlen moneki kichiuaskej tokniuan tlakamej. ¿Pero tlen kijtoua, ijkuak se tokni siuatl moneki kichiuas tekitl tlen kichiua se tokni tlakatl?
Xikita ken sekimej tokniuan mochijchikauaj para oksekimej makinpiakan amatlajkuilolmej.
Xikita tleka iTlaixpantijkauan Jehová amo kitlajtlanij tomin ken okseki religiones.
“¿Kanin kisa tomin tlen ika tekitij?” (Nin tlamachtil kajki itech jw.org/ncx)