TLAMACHTIL 02

Biblia techyolchikaua

Amatlajkuilol

Miakej sapanoua tlajyouiaj, ikinon motekipachouaj uan moyolkokouaj. ¿Ijkon yomitspanok? Xamo timokokoua noso yoixpoliuik se mofamiliar uan xamo tikneki tikmatis kox nochipa titlajyouiskej. Tlen Biblia techiluia techyolseuia.

1. ¿Tlen kijtoua Biblia?

Biblia techyekiluia tleka titlajyouiaj uan noijki techiluia amo nochipa ijkon titlajyouijtoskej. Tlen kijtoua uelis techpaleuis uan techyolchikauas (xiktlajtolti Jeremías 29:11, 12). Tlen kijtoua Biblia techyolseuia uan noijki techpaleuia matiyolpakikan. Noijki techititia satepan nochipa tiyolpakiskej.

2. ¿Tlen kijtoua Biblia panos satepan?

Biblia kijtoua “ayakmo yetos mikilistli, ayakmo ikaj moyolkokos, ayakmo ikaj chokas” (xiktlajtolti Apocalipsis 21:4). Techiluia kuali tiyetoskej porque tikpiaskej tlen moneki, ayakmo timokokoskej, ayakmo techtlajyouiltiskej uan ayakmo tiixpoliuiskej. Noijki kijtoua uelis nochipa tiyoltoskej uan nin tlaltikpak mokopas se xochitlali.

3. ¿Tlen mitspaleuis xikneltoka tlen kijtoua Biblia?

Miakej kinekij kuali yetoskej pero amo kimatij kox se tonal ijkon panos. Biblia techiluia kuali tiyetoskej uan uelis tikneltokaskej tla ‘kuali timomachtiaj’ tlen ompa kijtoua (Hechos 17:11). Ijkon tikitas kox uelis tikneltokas tlen ompa kijtoua.

MATIMOMACHTIKAN

Matikitakan tlen kijtoua Biblia panos satepan. Noijki tikitaskej miakej yokinpaleui tlen ompa kijtoua.

Fotos: Mota ken tikatej axkan uan ken tiyetoskej satepan ijkon ken kijtoua Biblia. Noijki ijkon mota satepan.

4. Biblia kijtoua nochipa tiyoltoskej uan ayakmo titlajyouiskej

Xikita seki tlamantli tlen kijtoua Biblia. ¿Tlen mitspaktiskia mamochiua uan tleka?

Xikintlajtoltikan textos kanin kijtoua tlen panos satepan uan xikitakan tlen namechmachtia.

¿Techyolchikaua tlen kijtouaj ninmej textos? ¿Kipaleuis mofamilia noso akinmej inuan timouika?

Ximokuayejyeko ijkin tiyetoskej:

AMIKAJ...	NOCHTIN...
... tlajyouis, kokoxkatis noso ueuejtis nion ixpoliuis (Isaías 25:8)	... oksepa kinmitaskej akinmej kintlasojtlaj ijkuak kinyolitiskej nikan tlaltikpak (Juan 5:28, 29)
... mokokos (Isaías 33:24; 35:5, 6)	... chikajtoskej ken ijkuak okatkaj telpochmej uan ichpochmej (Job 33:25)
... kichiuiliskej tlen amo kuali (Isaías 32:16, 17)	... kipiaskej tlen kikuaskej, kanin chantiskej uan kinpaktis inteki (Salmo 72:16; Isaías 65:21, 22)
... kitlajyouiltis guerra (Salmo 46:9)	... kuali yetoskej (Salmo 37:11)
... kilnamikis tlen amo kuali okipanok nion itlaj kitekipachojtos (Isaías 65:17)	... nochipa yoltoskej uan yolpakiskej (Salmo 37:29)

Se chokotsin tlen omokokouaya axkan yopajtik uan kajki iuan inantsin.

Se tlakatl tlen okipiaya miak xiuitl axkan kiuika miak tlakilotl.

5. Techpaleuia tlen kijtoua Biblia panos satepan

Miakej kinyolkokoua uan kinkualania nochi tlen amo kuali panotok. Sekimej kitemouaj ken kinpaleuiskej oksekimej para amo matlajyouikan. Matikitakan miakej yokinpaleui tlen kijtoua Biblia. Xikitakan VIDEO uan satepan xikitakan tlen namechmachtia.

VIDEO: Oniknekiaya ayakmo ikaj ma kichikoitakan (4:07)

Fotos: tlen mota itech video “Oniknekiaya ayakmo ikaj ma kichikoitakan.” 1. Mota ijkuak Rafika okololouaya ichkatl iuan akinmej amo ixchipajkej ken ye. 2. Mota ijkuak yikin oyajki se ueyi nechikol iuan iTlaixpantijkauan Jehová. Oyolpakik ijkuak okitak miakej ompa okatkaj maski sekimej ixchipajkej uan oksekimej amo.

Ijkon ken otikitakej itech video, ¿tlen amo okipaktiaya Rafika?
Maski sekimej ok omochikoitayaj, ¿ken okipaleui tlen kijtoua Biblia?

Tlen kijtoua Biblia techpaleuia amo sapanoua matimotekipachokan uan matiyolpakikan maski titlajyouiaj. Xiktlajtoltikan Proverbios 17:22 uan Romanos 12:12 uan xikitakan tlen namechmachtia.

¿Tikneltoka tlen kijtoua Biblia mitspaleuis xiyolpaki? ¿Tleka ijkon tikneltoka?

SEKIMEJ KIJTOUAJ: “Tlen kijtoua Biblia mota sapanoua kualtsin pero amo tikmatij kox melauak mochiuas”.

Tla tikmatiskia mochiuas tlen kijtoua Biblia, ¿timomachtiskia? ¿Tleka ijkon tikchiuaskia?

XIKILNAMIKTO

Biblia kijtoua uelis nochipa tiyolpakiskej uan non techyolchikaua uan techpaleuia matitlaxikokan maski titlajyouiaj.

Matikojpauikan

¿Tleka miak ipati nochtin makimatikan tlen kichiuas toTajtsin Dios?
¿Tlen kijtoua Biblia panos satepan?
¿Ken mitspaleuis tikmatis tlen panos satepan?

Xikijkuilo keman otlanki otimomachti:

Ijkin xikchiua

Para tikilnamiktos tlen kijtoua Biblia panos satepan, oksepa xikintlajtolti textos tlen katej itech nin tlamachtil.

Xikijkuilo tlen tikchiuas:

Ijkin xikchiua

NIN NOIJKI MITSPAKTIS

Ximomachti ken mitspaleuis tla tikmatis tlen panos satepan.

“¿Okachi kuali tiyetoskej tla itlaj tikchixtokej?” (¡Ma titlachixtokan!, 22 de abril 2004)

Xikita ken yokinpaleui akinmej sapanoua mokokouaj tlen kijtoua Biblia.

“¿Mitspaleuis xitlaxiko tlen kijtoua Biblia tla sapanoua timokokoua?” (Nin tlamachtil kajki itech jw.org/ncx)

Ijkuak tikitas nin video, ximokuayejyeko tika iuan mofamilia uan nankatej itech xochitlali ijkon ken kijtoua Biblia.

Ximokuayejyeko yiompa tika (3:37)

Xikita ken okipaleui Biblia se tlakatl tlen okipaktiaya kinpaleuis oksekimej.

“San toTajtsin Dios uelis tlayektlalis” (Akin Tetlapouijtok, 1 de julio 2013)