“Kuali xinemikan ixpan tlaltikpaktlakamej”

1. ¿Tleka miak ipati kuali ma tinemikan itech ueyi nechikol?

¹ Itech ueyi nechikol de distrito tlen mochiua sejse xiuitl miakej tlaltikpaktlakamej techitaj, ik non, miak ipati kuali ma tinemikan pampa ma kitakan tikueyichiuaj toTajtsin Dios (Lev. 20:26). Ika toyelisuan uan ken timotlakentiaj moneki kitaskej tejuan melauak tikchiuaj ken Cristo. ¿Tlen uelis tikchiuaskej pampa tlaltikpaktlakamej kuali ma techitakan itech ueyi nechikol de distrito uan internacional uan ijkon uelis kiueyichiuaskej Jehová? (1 Ped. 2:12.)

2. Itech ueyi nechikol de distrito, ¿kanin uelis tikteititiskej melauak tikchiuaj ken Cristo?

² Ma moita tikchiuaj ken Cristo. Itech Tlaltikpak amo ikaj motlasojtla, pero tejuan tikintlasojtlaj nochtin uan “n tlakah non amo kineltokah Dios” kuali tikinmitaj (Col. 3:10; 4:5; 2 Tim. 3:1-5). Miak ipati ma tikintlakaitakan uan amo ma timokualanikan iuan akinmej tekitij itech hoteles nion kanin kinemakaj tlakuali, maski itlaj tlapanos. Noijki miak ipati ompa ma tikinkauilikan seki tomin, tla ijkon kichiuaj.

3. ¿Tlen moneki kichiuaskej tetajmej, uan tleka?

³ Tetajmej moneki kinmaluiskej inkoneuan, itech kali kanin mochiuaj ueyi nechikol, kanin kinemakaj tlakuali uan noijki itech hotel (Prov. 29:15). Akin tlayekana itech se hotel uan kanin noijki kinemakaj tlakuali okinmilui ome tokniuan akinmej yomonamiktijkej: “ITlaixpantijkauan yolkualmej. Inkoneuan tetlakaitaj. Nochtin akinmej tekitij kijtoaj techpaktiskia nochi sábados uan domingos xiualakan nikan”.

4. Ijkuak tiyetoskej kanin mochiuas ueyi nechikol, ¿ken moneki timotlakentiskej?

⁴ Kuali ma timotlakentikan. Moneki kuali timotlakentiskej itech ueyi nechikol, uan amo moneki timotlakentiskej ken motlakentiaj nochtin tlaltikpaktlakamej (1 Tim. 2:9). Noijki moneki timotlakentiskej kuali, amo timotlakentiskej ken kichiuaj tlaltikpaktlakamej, uan nin moneki tikchiuaskej ijkuak tiajsitiuij hotel noso ijkuak yitiaskej noijki ijkuak tiaskej tipaxialotiuij. Ijkon kuali timomachiliskej tikuikaskej amatsintli kanin kijtoa tikpiaj se ueyi nechikol, uan ika miak yolpakilistli titetlapouiskej ijkuak uelis. Tla kuali tinemij uan kuali timotlakentiaj itech ueyi nechikol tlen tikpiaskej, amo san oksekimej tlaltikpaktlakamej kinekiskej momachtiskej itech Biblia, noijki kiyolpaktis Jehová (Sof. 3:17).

Tlen moneki tikilnamikiskej itech ueyi nechikol itech xiuitl 2014

◼ Tlen hora mochiuas. Kanin mochiuas ueyi nechikol titlatlaposkej a las 8:00 a.m. Tlakuikali tlen ika peua ueyi nechikol peuas a las 9:20 a.m. nochi eyi tonalmej. Ijkuakon nochtin moneki timotlaliskej pampa ueyi nechikol peuas ken moneki. Viernes uan sábado ueyi nechikol tlamis a las 4:55 p.m. ika tlakuikali uan tlatlaujtilistli uan domingo a las 3:50 p.m.

◼ Uejueyij nechikolmej internacionales. Itech seki uejueyij altepemej mochiuaskej uejueyij nechikolmej internacionales. Kali kanin tekitij iTlaixpantijkauan Jehová kuali kita keski uelis ompa monechikoskej, keski carros uelis mokauaskej uan kanin uelis mokalotiskej, uan ijkon kinyoleuaj sekimej tokniuan pampa ma yakan ueyi nechikol. Tla sekimej tokniuan yaskej itech se ueyi nechikol internacional, pero amo okinyolejkej uelis sapanoa miakej monechikoskej. Tla amo uelis tias ueyi nechikol kanin yas motlanechikol, amo xio se ueyi nechikol internacional.

◼ Kanin mokauaskej carros. Amo itlaj kitlaxtlauaskej ijkuak tejuan tikyekanaskej ompa, tikintlalijtiaskej ken ajsitiuij. Ken amo onka miak kanin kikauaskej carros, timitsyoleuaj tla uelis oksekimej yaskej mouan xikinuika. Akinmej amo uelij nejnemij noso itlaj ouijkayotl kipiaj uelis kikauaskej incarros kanin ijkon kijtoa, san moneki kipiaskej se amatl kanin kijtoa non noso placa de matrícula pampa akinmej amo uelij nejnemij.

◼ Kanin timotlalis. Ijkuak kitlaposkej kali, amo san niman ma timotlalokan pampa tiktlaniskej kanin okachi techpaktia timotlaliskej. Tejuan tikauaskej oksekimej kuali ma momachilikan uan amo san tejuan. Ijkon moixmatij akinmej melauak kichiuaj ken Cristo uan nin kichiuaj akinmej techitaj ma kiueyichiuakan Jehová (Juan 13:34, 35; 1 Cor. 13:4, 5; 1 Ped. 2:12). San uelis tikinxelilis kanin motlaliskej akinmej chantij mouan, yauij mouan itech carro noso akinmej tikinmachtijtok ika Biblia. Ken amo onka miak kanin uelis motlaliskej akinmej mokokoaj, youeuejtikej noso yokokoxkatikej, ualeua amo uelis motlaliskej ompa nochtin ikalchanejkauan. Timitstlatlaujtiaj, xikaua tokniuan akinmej mokokoaj, yokokoxkatikej noso youeuejtikej ma motlalikan uan noijki akinmej kinpaleuiaj.

◼ Tlakuali. Okachi kuali ma tikuikakan totlakual pampa amo tikisaskej tlajko tonal. Uelis tikuikaskej itech itlaj tlen amo okachi ueyi, tlen uelis akis itlampa silla kanin timotlaliaj. Amo uelis tikuikas itlaj tlen sapanoa ueyi nion uelis tikuikas motlakual itech itlaj tlen uelis tlapanis.

◼ Tomin. Uelis tikteititiskej tiktlasojkamatiliaj Jehová pampa nochi tlakuali tlen techmaka ika totomin pampa toteki tlen mochiua itech nochi Tlaltikpak. Akinmej kitemakaskej cheques uelis kichiuaskej ika tokayotl tlen kitekitiltia kali kanin tekitij iTlaixpantijkauan Jehová kanin tichanti. Noijki uelis kitemakaskej tomin ika tarjetas de débito uan crédito itech seki ueyi nechikolmej.

◼ Pajtli. Tla tejuatsin tikotinok seki pajtli, moneki tikinuikas, pampa itech ueyi nechikol amo tikpiaj non pajtli. Tla tikpia diabetes uan tiktekitiltia akuxa noso jeringas, moneki tikintlamotlas pero moneki kuali tikchiuas pampa amo itlaj kinpanos oksekimej tokniuan. Amo xikintlamotla kanin tiktlaliaj tlajsoli itech ueyi nechikol nion kanin timokalotis.

◼ Pampa amo itlaj ma techpano. Miak ipati ma timomaluikan pampa amo ma tiuetsikan nion itlaj ma techpano. Nochi xiuitl miakej tokniuan mokojkoaj pampa kiuikaj izapatos tlen kipiaj sapanoa ueyi itacones. Okachi kuali ma kiuikakan inzapatos tlen kinpaleuis pampa uelis tlejkoskej itech escaleras, rampas uan amo itlaj kinpanos.

◼ Akinmej amo kuali tlakakij. Ueyi nechikol mopanoltis noijki itech radio (FM), mokakis san kanin mochiuas ueyi nechikol. Pampa uelis tikakis san moneki tikuikas se radio tlen amo ueyi uan tlen tekiti ika pilas uan tikakis ika audífonos.

◼ Coches tlen ika kinuikaj konemej uan sillas. Amo moneki kinuikaskej konemej ika coches noso carritos tlen ika kinuikaj nion moneki kiuikaskej sillas kanin mochiua ueyi nechikol. Uelis kinuikaskej sillas pampa ma motlalikan konemej tla sillas mokitskiskej itech sillas tlen ompa yetoskej.

◼ Perfumes. Miakej uejueyij nechikolmej mochiuaj itech kalmej tlen tsaktokej. Ik non, miak ipati amo tiktekitiltikan miak perfume pampa tla timotlaliliaj miak nin uelis kichiuas oksekimej tokniuan ma mokokokan (1 Cor. 10:24).

◼ Amatsintli Sírvase visitar (S-43). Ompa uelis tikijkuilos intoka akinmej otikintlapoui ijkuak otiaya ueyi nechikol uan tlen kinekij okachi ma tikinmachtikan. Ninmej amatsitsintin uelis tikinmakas tokniuan akinmej tekitij kanin kitemakaj amatlajkuilolmej noso uelis tikmakas tlayekanki itech motlanechikol.

◼ Kanin kinemakaj tlakuali. Ijkuak kuali tinemij kanin kinemakaj tlakuali kichiua oksekimej ma kiueyichiuakan Jehová. Ijkuak titlakuati ompa moneki timotlakentis ken akinmej kichiuaj ken Cristo. Xikaua seki tomin tlen ika tikintlasojkamatilis akinmej ompa tekitij, tla ijkon kichiuaj ompa.

◼ Kanin mokalotiskej noso hoteles:

Amo xikinxelo miakej cuartos tla amo tikintekitiltis nochtin, noijki amo ma mokauakan miakej itech se cuarto.
Amo xikijto ayakmo timokalotis ompa, pero tla moneki tikchiuas timitstlatlaujtiaj xikchiua miak tonalmej achto pampa ijkon oksekimej uelis mokauaskej ompa (Mat. 5:37). Tla tikchiuas, xikijkuilo número tlen omitsmakakej ijkuak otikijto ayakmo ompa timokauas. Tla 48 horas achto timokalotis tikijtos ayakmo, hotel ayakmo mitsmakas motomin.
Xikilnamiki tla itech hotel tiktlaxtlauas ika tarjeta de crédito noso de débito, hotel kimokauis seki tomin pampa nochi tlen uelis panos itech cuarto. Amo uelis tiktekitiltis non tomin, pero ijkuak yitikisas kema mitsmakaskej.
Uelis tikuikas carrito tlen ika tikuikas momaletas tla nochi yotitlayektlali, ijkuak ayakmo tiktekitiltis san niman xikauati pampa oksekimej noijki uelis kitekitiltiskej.
Uelis tikmakas seki tomin akin mitspaleuis ika momaletas uan noijki akin tlachipaua mocuarto, tla ijkon kichiuaj ompa.
Uelis titlakualchiuas kanin tikochi tla omitsiluijkej uelis tikchiuas.
Tla kanin timokalotis mitsmakaj tlakuali, cafe noso okseki tlamantli pampa ompa tiktekitiltis, amo xikuika ueyi nechikol.
Ijkuak timotlapouis iuan akinmej tekitij itech hotel moneki tikteititis kuali monemilis. Xikilnamiki noijki miakej ompa mokalotijtokej, uan yejuan mitstlasojkamatiliskej tla amo tikualani uan tikintlakaita.
Miak ipati tetajmej ma kinmaluikan inkoneuan ijkuak yetoskej itech hotel, ijkuak kitekitiltiskej ascensores, piscina, vestíbulo uan gimnasio.
Itech Lista de hoteles recomendados moita kech tiktlaxtlauas sejse tonal, pero amo moijtoa kech tiktlaxtlauas impuestos. Tla mitsiluiaj okachi xitlaxtlaua, amo xikchiua uan san niman xikinmilui tokniuan akinmej Kitemoaj kanin Mokalotiskej tokniuan itech ueyi nechikol.
Tla itlaj tlapanoa kanin timokalotijtok, san niman xikinmilui tokniuan akinmej Kitemoaj kanin Mokalotiskej tokniuan itech ueyi nechikol..

◼ Akinmej kinekij tlapaleuiskej. Nochtin akinmej kinekij tlapaleuiskej moneki kinmiluiskej tokniuan akinmej tekitij itech Akinmej kinekij tlapaleuiskej. Akinmej ayamo kipiaj 16 xiuitl moneki tekitiskej iuan intatajuan, noso ikaj tlen moneki kimaluis.