Pampa okachi kuali titetlapouiskej: iuan ximokaua oksepa tiktlajpaloti

Tleka miak ipati. Ijkuak tikajsij ikaj tlen kineki okachi kimatis, tiknekij timokuepaskej ijkuak yetos ikalijtik pampa okachi tikiskaltiskej tlen melauak itech iyolo (1 Cor. 3:6). Ik non, achto tlamis iuan timotlapouiskej, moneki tiktlajtlaniskej keman uelis timokuepaskej. Uelis tikchiuiliskej se tlajtlanilistli tlen tiknankiliskej ijkuak timokuepaskej, ijkon ye okachi kinekis techkakis. Tla tlajtlanilistli tlen tikchiuiliaj monankilia itech se amatlajkuilol tlen otikmakakej, uelis san niman kitlajtoltis non. Ijkon tikchiuaskej, kichiuas okachi kuali iuan timotlapouiskej, pampa yotikpejpenkej itech tlen timotlapouiskej uan ye yikimati. Uan ijkuak timokuepaskej, uelis tikiluiskej otiktlajpalotoj pampa tiknankiliskej tlajtlanilistli tlen otikchiuilijkej uan itech non timotlapouiskej.