Para okachi kuali titetlapouiskej: Ijkuak oksepa tikintlapouitiuij

¿TLEKA MIAK IPATI? Miakej tlen techkakij kitemoaj tlen melauak itech toTajtsin Dios (Is. 55:6). Para uelis tikinmititiskej miak tlamantli, moneki nochipa tikinmachtitiuij. Miakej kipiaj tlatlamantli ouijkayotl, ik non, ma tiktemokan ken uelis kinekiskej techkakiskej. Okachi kuali titlamachtiskej tla kuali timoyektlaliaj uan tla tikmatij tlen tikintlapouiskej, ijkon tikpeualtiskej se tlamachtil.

IJKIN XIKCHIUA:

• Ximochijchikaua san niman oksepa xiktlapouiti (Mat. 13:19).

• Kualtsin xiktlapoui, xiktlakaita uan amo xikmauili.

• Achto kuali xiktlajpalo. Xiknotsa ika itoka. Xikilui tleka oksepa otiktlajpaloto: tla otiknankilito se tlajtlanilistli, otikkauilito se revista, otikititito jw.org/ncx, se video noso ken titlamachtiaj ika Biblia. Tla mitsiluia okse tlamantli, itech non xiktlapoui (Filip. 2:4).

• Tlen melauak yetoskia ken se xinachtli tlen moneki tikatekiskej, ik non, xikpaleui okachi ma ajsi itech iyolo tlen melauak ika se tlaxelol noso se amatlajkuilol (1 Cor. 3:6). Ximochijchikaua iuan timouikas.

• Iuan ximokaua oksepa tiktlapouiti.