Ma tiktemakakan tlamantli “tlan kuali” ijkuak tikinseliaj oksekimej (Mat. 12:35a)

Nochtin techpaktia tiktemakaskej “tlan kuali” uan ‘tikinyekseliskeh akimeh techontlajpaloah’ (Rom. 12:13). Tlayekankej moneki motlapouiskej ken kinseliskej akinmej kipanoltikiuij se tlapoualistli uan kinkuepiliskej tomin tlen ika ajsikiuij uan mokuepaskej. Ualeua, uelis amo tiknekij ikaj tikyoleuaskej pampa amo tikpiaj miak tlamantli noso techtekipachoa tikinyoleuaskej tokalijtik. Ik non, tikpatioitaskej tlen Jesús okilui Marta techpaleuis pampa amo ijkon timomachiliskej (Luc. 10:39-42). Jesús okijto “okachi ipati” ijkuak timoyolchikauaj iuan oksekimej uan amo ijkuak tikchiuaj se tlakuali tlen patio noso kuajkualtsin ma yeto tokalijtik. Tla ijkon tikchiuaj, nochtin uelis tiktemakaskej tlamantli “tlan kuali” ijkon ken kijtoa iTlajtol toTajtsin Dios (3 Juan 5-8).