Kuali ma tiktekitiltikan kauitl ijkuak titetlapouiaj
ITlaixpantijkauan Jehová otetlapouijkej 1,945,487,604 (mil novecientos cuarenta y cinco millones cuatrocientos ochenta y siete mil seiscientos cuatro) horas itech xiuitl 2014 tlen otekitikej, nin kuali kiteititia melauak tiknekij chikauak tiktekichiuiliskej Jehová (Sal. 110:3; 1 Cor. 15:58). Pampa “ayakmó tikpiah miak tonati”, ¿uelis tiktekitiltiskej kauitl ijkuak titetlapouiaj pampa okachi miakej tlaltikpaktlakamej tikintlapouiskej? (1Cor. 7:29.)
Pampa kuali tiktekitiltiskej kauitl ijkuak titetlapouiaj moneki tikmatiskej kanin uan ken uelis tikchiuaskej. Se neskayotl, tla nochipa tipanoaj kanaj se hora noso okachi itech se tlamantli itech tetlapouilistli uan amo ueli timotlapouiaj iuan ikaj, ¿uelis tikpatlaskej tlen tikchiuaj pampa tikintemoskej okachi miakej tlaltikpaktlakamej uan inmiuan timotlapouiskej? Maski itech sejse altepetl tlatlamantli ken se tetlapouia, tlen nikan kijtoa uelis techpaleuis pampa okachi kuali tiktekitiltiskej kauitl uan amo san ‘tiktekilmakatoskej n ejekatl’ (1 Cor. 9:26).
Tetlapouilistli itech inkalijtik tlaltikpaktlakamej. Yikipia miak xiuitl, tokniuan peuaj tetlapouiaj itech inkalijtik tlaltikpaktlakamej. Pero miakej tlaltikpaktlakamej tekitij nochi tonal, ik non, ¿uelis titetlapouiskej inkalijtik tlaltikpaktlakamej tlajkotonal noso ijkuak yitlayoas? Non hora uelis katej inkalijtik uan okachi majxiliaj. Uan itech tonal, uelis titetlapouiskej itech ojtli noso kanin tlanemakaj pampa tikinmajsiskej tlaltikpaktlakamej.
Tetlapouilistli itech ojtli. Mesas uan carritos moneki kintlaliskej kanin nemij miakej tlaltikpaktlakamej ik kanin tetlapouia tlanechikol (xikita Nuestro Ministerio del Reino [ika náhuatl del centro Toteki itech Tekiuajkayotl] de julio de 2013, página 5). Tla kanin kintlaliaj mesas uan carritos ayakmo nemij miakej tlaltikpaktlakamej, tlayekankej itech tlanechikol uelis kipatlaskej kanin motlaliaj uan motlaliskej oksekan kanin nemij miakej tlaltikpaktlakamej.
Ijkuak timokuepaj titetlajpalotiuij uan titlamachtiaj Biblia. Ualeua amo tikinmajsij tlaltikpaktlakamej ijkuak tikchiuaj se tlamantli itech tetlapouilistli, ik non, ¿uelis oksepa timokuepaskej tikintlajpalotiuij akinmej otechkakej uan titlamachtiskej Biblia? Se neskayotl, tla itech tonal sábado kualkan okachi tikinmajsij ijkuak titetlapouiaj inkalijtik tlaltikpaktlakamej, ¿uelis tikinmitatiuij akinmej tikinmachtiaj Biblia tiotlak noso ijkuak yotlayoak? Uan ijkuak tikintlajpalotiuij akinmej otechkakej, okachi kuali amo miakej ma tiakan itech carro pampa okachi uelis titetlapouiskej.
Maski uelis tikpoaskej kauitl ijkuak titetlapouiaj, okachi tiyolpakij ijkuak tikinmajsij tlaltikpaktlakamej. Tla tikitaj itech se hora ijkuak tikchiuaj se tlamantli itech tetlapouilistli amo okachi tikinmajsij tlaltikpaktlakamej, ma tikchiuakan okse tlamantli. Ma tiktlatlaujtikan Jehová, akin iaxka tekitl, ma techyekanaj pampa okachi kuali tiktekitiltiskej kauitl ijkuak titetlapouiaj (Mat. 9:38).