Tetlapouilistli itech ojtli axkan okachi teyolpaktia
1. ¿Tlen kinyoleuaj ma kichiuakan tlanechikolmej tlen tetlapouiaj kanin panoaj miakej tlaltikpaktlakamej?
1 Tlanechikolmej tlen tetlapouiaj kanin panoaj miakej tlaltikpaktlakamej kinyoleuaj ma tetlapouikan itech ojtli, uelis kitekitiltiskej carritos noso mesas pampa itech kitlaliskej amatlajkuilolmej. Tla tlanechikol kintekitiltia carritos uelis maski san se tokni ompa yetos, uelis moketos noso motlalis. Tla kintekitiltiaj mesas moneki yetoskej ome tokniuan. Moneki mochijchikauaskej pampa ixuetskaskej uan tetlakaitaskej. Ijkuak ikaj motokis, akin tetlapouia uelis peuas iuan motlapouis, uelis kiluis: “¿Yotimotlajtlani tlen kijtoa Biblia itech nin tlamantli?”. Uan se noso ome tokniuan tlen iuan katej kuali ma tlachixtokan tla ikaj motokia itech carrito pampa kitlapouiskej.
2. Xikijto se neskayotl tlen kiteititia ken tlapaleuia tetlapouilistli itech ojtli.
2 Pampa tetlapouiaj itech ojtli, miakej tlaltikpaktlakamej opejkej momachtia Biblia. Se neskayotl, se ichpochtli tlen momachtia universidad omokuayejyeko itlaj kijkuilos itech iTlaixpantijkauan Jehová, pero amo okajsik se Kali kanin monechikoaj. Opanok se semana okitak, seki amatlajkuilolmej itech se mesa ompa universidad. Opejki momachtia Biblia, uan axkan yomoapolakti uan noijki tetlapouia itech ojtli.
3. ¿Tlen mokuayejyekoaj itech nin tetlapouilistli akinmej tetlapouiaj itech ojtli?
3 Se tokni siuatl tlen noijki ijkon tetlapouia okijto: “Sekimej motokiaj pampa kinuikaskej revistas. Uan oksekimej ayamo keman okikakiayaj itech iTlaixpantijkauan Jehová. Ika nin tetlapouilistli okachi miakej tikintlapouiaj”. Okse tokni siuatl okijto: “Nin tetlapouilistli amo keman omochiuaya uan melauak teyolpaktia, pampa tlaltikpaktlakamej motech motokiaj, maski san kinekij tlachiatiuij”.
4. ¿Tleka ipati ma kintlalikan carritos noso mesas kanin nochipa kintlaliaj, uan amo ma kipapatlakan tonal uan hora?
4 Okachi kuali, ma kintlalikan carritos noso mesas kanin nochipa kintlaliaj, uan amo ma kipapatlakan tonal uan hora. Ijkon tlaltikpaktlakamej nochipa kitaskej, ik non, uelis itlaj kitlajtlaniskej noso kiuikaskej amatlajkuilolmej. ¿Yonanmotlapouijkej itech tlanechikol pampa uelis ijkon nantetlapouiskej? Ximoyolchikaua uan xiyolpaki itech nin tekitl tlen ‘tetlapowia kenomi Dios tlanauatia’ noso itech iTekiuajkayo (Luc. 9:60).