Kuali ma tiktekitiltikan chikaualistli tlen kipia iTlajtol toTajtsin Dios ijkuak titetlapouiaj
Ijkuak ikaj techkaki ma tiktlapouikan kuali tlajtolmej, moneki kuali tiktekitiltiskej non kauitl uan tiktekitiltiskej chikaualistli tlen kipia iTlajtol toTajtsin Dios, ken tiktlajtoltiliskej se tlaxelol itech Biblia non tlaltikpaktlakatl. Ijkon otimomachtijkej itech ueyi nechikol tlen mochiua san se tonal itech xiuitl tlen yopanok. Tlayekanki itech circuito okipanolti se tlapoualistli tlen itoka: “Kuali ma tiktekitiltikan chikaualistli tlen kipia iTlajtol toTajtsin Dios ijkuak titetlapouiaj”. Ma tikilnamikikan seki tlamantli tlen otimomachtijkej.
¿Tleka iTlajtol Jehová okachi kipia chikaualistli uan amo totlajtol? (2 Tim. 3:16, 17.)
¿Ken techyolinia Biblia, kipatla tlen timokuayejyekoaj, kiyektlalia tlen tiknekij uan kiyekana tonemilis? (Xikita La Atalaya [ika náhuatl del centro Akin Tetlapouijtok] 15 de junio de 2012, página 27, párrafo 7).
Ijkuak ikaj tiktlajtoltiliaj se tlaxelol itech Biblia ijkuak titetlapouiaj, ¿ken uelis tikchiuaskej pampa okachi ma kitlakaita iTlajtol toTajtsin Dios? (Xikita amochtli Benefíciese página 148, párrafos 3 uan 4, uan Nuestro Ministerio del Reino [ika náhuatl del centro Toteki itech Tekiuajkayotl] de marzo de 2013, página 6, párrafo 8.)
Ijkuak tiktlajtoltis se tlaxelol itech Biblia, ¿tleka miak ipati kuali ma tikyekijtokan uan ma tikchiuakan itech ma mokuayejyekokan, uan ken uelis tikchiuaskej? (Hech. 17:2, 3; xikita amochtli Benefíciese página 154, párrafo 4 a página 156, párrafo 5.)