Pampa okachi kuali titetlapouiskej: xikpeualti se tlamachtil san kaltempa ika amatlajkuilol Kuali tlajtolmej techmaka toTajtsin Dios
Tleka miak ipati. Pampa uelis tikinchiuaskej imachtijkauan Jesús, moneki kuali titlamachtiskej itech iTlajtol toTajtsin Dios (Mat. 28:19, 20). Tinochtin uelis kuali titlamachtiskej tlen melauak tla tikintekitiltiaj amatlajkuilolmej tlen tikinseliaj. Amatlajkuilol Kuali tlajtolmej techmaka toTajtsin Dios, okichijchijkej pampa techpaleuis tikinmachtiskej tlen melauak tlaltikpaktlakamej. Uelis tiktekitiltiskej pampa tikpeualtiskej se tlamachtil san kaltempa ijkuak titetlapouiaj.
Xikchiua nin itech nochi metstli:
Ximotlatlaujti pampa tikajsis se tlamachtil. Xikilui Jehová ma mitspaleui pampa tikpeualtis se tlamachtil uan pampa kuali titlamachtis tlen melauak (Filip. 2:13).
Ijkuak nankiueyichiuaskej Jehová ken kalchanejke noso ijkuak moselti timomachtia, xikxelokan kauitl pampa kuali nanmomachtiskej. Uan ijkon uelis titetlapouis ika yolchikaualistli uan tikpeualtis se tlamachtil san kaltempa ijkuak titetlapouis.