Ma timomachtikan itech tokniuan akinmej kuali tlamachtiaj
Melauak tikinpatioitaj tokniuan akinmej kuali tekitij itech tlanechikol. Sekimej kipiaj miak xiuitl kitekichiuilijtokej Jehová. Sekimej kimatij ken uelis kuali tetlapouiskej. Yokitakej ken Jesús kiyekantok tlanechikol uan tetlapouilistli pampa kinchiuaskej imachtijkauan itech ninmej itlamian tonalmej (Mat. 28:19, 20). Pampa miak xiuitl yitetlapouijtokej, yokiselijkej “weletílistli [tlen] wits de Dios” (2 Cor. 4:7). Ninmej tokniuan uelis techmachtiskej miak tlamantli pampa yejuan kuali tlamachtiaj. Yolpakij kinmachtiaj oksekimej ijkuak uelij (Sal. 71:18). ¿Tlen uelis tikchiuaskej pampa uelis timomachtiskej itech yejuan?
Itech tetlapouilistli. Pampa kuali titetlapouiskej, maski tiyankuikej noso amo tikmatij ken tikchiuaskej, moneki ikaj techmachtis. Uelis timomachtiskej intech san tikinmitaskej ken tetlapouiaj. (Xikita La Atalaya [ika náhuatl del centro Akin Tetlapouijtok] del 15 de febrero de 2015 itech tlamachtil “Cómo mantener el entusiasmo en la predicación” kanin kijtoa “Ayude a los nuevos”.) ¿Ken yomitspaleui titetlapouis iuan akinmej kuali tlamachtiaj?
¿Uelis tikinyoleuas pampa mouan ma tetlapouikan? Tla akin kuali tetlapouia mokokoa, uelis tikuikas akin tikmachtia ichan tokni tlen mokokoa. Ijkuak nantlamiskej nanmomachtiskej, xiktlajtlani tokni ken okachi kuali titlamachtis.
Xikxelo kauitl pampa inuan tiyetos: Ximochijchikaua pampa kuali tikinmixmatis akinmej kuali tetlapouiaj. Xikinyoleua ijkuak nanmomachtiskej ken kalchanejke uan uelis tikinchiuilis seki tlajtlanilmej. Tla akin kuali tetlapouia mokokoa, ¿uelis timokauaskej iuan pampa timomachtiskej ken kalchanejke? Xiktlajtlani ken okixmatki Jehová, tlen tlateochiualismej yokiseli, ken kichikaua itlaneltokilis uan ken yolpaki pampa kitekichiuilia Jehová.
Xikinmajsikamati uan xikita tlen uelis kichiuaskej. Ijkon ken tejuan, akinmej yiuejkika tetlapouiaj kichiuaj tlatlamantli tekitl itech tetlapouilistli (Rom. 12:6-8). Sekimej yiuejueyij uan ayakmo okachi uelis tetlapouiskej noso okseki tlamantli. Pero miak tlamantli uelis timomachtiskej itech akinmej kuali tetlapouiaj uan amo kikauaj Jehová.