Para okachi kuali titetlapouiskej: Xikintemo nochtin kanin titetlapouia

TLEKA MIAK IPATI: Zacarías okijto akinmej tlatlamantli tlajtoaj itech nochi altepemej kikakiskiaj kuali tlajtolmej (Zac. 8:23). Pero ¿akin kinmachtiskia? (Rom. 10:13-15). Moneki nochtin tikintlapouiskej, non se tlateochiualistli (od-S pág. 84 párrs. 10, 11).

KEN UELIS TIKCHIUASKEJ:

• Ximoyektlali. ¿Yotikinmajsik akinmej tlajtoaj okse tlajtoli? Xiktekitilti aplicación JW Language para timomachtis ken tikintlapouis oksekimej. Noijki uelis tiktekitiltis mocelular noso motableta para ikaj tikititis ken uelis kajsis itech jw.org okseki tlamantli ika itlajtol.

• Nochtin xikintlapoui. Tla titetlapouijtok kanin otechiluijkej, xikintlapoui nochtin akinmej tikinmajsis. Xikintlapoui akinmej panoaj itech ojtli, akinmej mochixtokej ijtik se carro. Ijkuak titetlapouiti kanin katej miakej, ximochijchikaua nochtin xikintlapoui.

• Ximochijchikaua. Amo ximosotlaua. Xikintemo akinmej amo otikinmajsik inkalijtik. Ximochijchikaua ikaj tiktlapouis ijkuak tias inkalijtik, uelis tikintemos okse hora noso okse tonal itech non semana. Oksekimej uelis tikinmajsis tla tikintlapouis itech ojtli, tikinmijkuililis se carta noso tikinnotsas ika teléfono.

• Amo xikkaua. San niman xiktlajpaloti para okachi kinekis kimatis. Tla tlajtoa okse tlajtoli, xiktemo akin uelis kitlapouis ika itlajtol. Pero amo xikkaua, xikitati hasta ijkuak oksekimej tokniuan ma kitlapouitij (od-S págs. 93, 94 párrs. 39, 40).

IJKUAK YONANKITAKEJ VIDEO TITETLAPOUIAJ “ITECH NOCHI N TLALTÍKPAKTLI” XIKINNANKILIKAN NINMEJ TLAJTLANILMEJ:

• 

  ¿Ken omoyektlalijkej tokniuan para kintlapouitoskiaj akinmej chantij uejka? (1 Cor. 9:22, 23).

• 

  ¿Tlen okixnamikej?

• 

  ¿Ken okinteochi Jehová?

• ¿Ken uelis okachi miakej tikintlapouis kanin tetlapouia motlanechikol?