Para okachi kuali titetlapouiskej: Achto iuan ximotlapoui uan satepan uelis titetlapouis

Jesús achto okitlajpalo samaritana, okitlapoui itech tlen nochipa okichiuaya uan satepan okimachti. ¿Ken uelis tikintlapouiskej akinmej amo tikinmixmatij?

• Achto xitetlajpalo uan iuan ximotlapoui. Maski Jesús osotlauatoka otetlajpalo uan teuan omotlapoui. ¿Ken okichi? San okitlajtlanili atl. Tla tikneki titetlapouis achto xitetlajpalo uan uelis tikintlajtlanis ken katej, noso uelis tikijtos tlen yikin opanok. Xiktemo ken inmiuan timotlapouis, ik non, xikinmilui itlaj tlen kimatij noso itlaj tlen kichiuas ma kijtokan tlen mokuayejyekoaj, tla amo tlanankiliaj ken tikneki, amo ximotekipacho, uelis ok ikaj iuan timotlapouis. Xikilui Jehová ma mitsyolchikaua (Neh. 2:4; Hech. 4:29).

• Nochipa xiktemo ken uelis tikinmiluis oksekimej tlen iTekiuajkayo toTajtsin Dios pero amo san niman xikinmilui. Xikkaua ma tlajto akin tiktlapouia uan amo ximokuayejyeko san niman tikmachtis, tlamo akin tiktlapouia xamo ayakmo kinekis mitskakis uan ayakmo mouan motlapouis. Uan tla ayamo itlaj tikiluia itech iTekiuajkayo toTajtsin Dios uan yaui, amo ximosotlaua uan amo ximoyolkoko. Tla tikita oui titetlapouis itech ojtli, uelis achto san xitetlajpalo uan xikinmilui okseki tlamantli maski amo tikinmachtis. [Xikitakan video 1 uan itech ximomachtikan].

• Xikita ken uelis titetlapouis. Uelis tikiluis itlaj tlen tikneltokaj uan non xamo kichiuas ma mitstlajtlani okseki tlamantli. Jesús ijkon okichi, tlen achto okilui samaritana okichi seki tlamantli ma kitlajtlani. Ijkuak Jesús okitlapoui itech Tekiuajkayotl san okinankili tlen okitlajtlani. [Xikitakan video 2 uan itech ximomachtikan. Satepan noijki xikitakan video 3 uan itech ximomachtikan].