¿Ken uelis titetlapouis ika amatsitsintin?

Desde enero 2018, itech Toteki akinmej tikchiuaj ken Cristo kijtoua ken uelis titetlapouiskej. Ompa kijtoua ma timotlapouikan iuan oksekimej uan amo san ma tikinmakakan amatlajkuilolmej. Ik non, videos tlen pouij itech “Ken uelis titetlapouis” techititiaj ken uelis titetlapouiskej ika Biblia. Pero ¿non kijtosneki ayakmo uelis tikintekitiltiskej amatlajkuilolmej? Ok uelis tikintekitiltiskej. Ika amatsitsintin uelis titetlapouiskej. Ijkuak tikintekitiltis, nin uelis tikchiuas:

1. Xiktekitilti tlajtlanilistli tlen ijkuilitok ixko amatsintli uan ma kipejpena tlen ompa ijkuilitok para ika ma tlanankili.

2. Xikititi texto tlen kajki página 2. Tla majxilia, xiktlajtoltikan uan ximomachtikan tlen kijtoua amatsintli.

3. Xikmaka amatsintli uan xikyoleua ma kitlajtolti ijkuak majxilis.

4. Ijkuak yitias, xikititi tlajtlanilistli tlen kajki kanin kijtoua “Ximotlajtlani” uan xikilui okse tonal tiknankilis ika Biblia.

Ijkuak oksepa tikitati, xiknankili tlen otikilui uan xikilui se tlajtlanilistli tlen okse tonal tiknankilis. Uelis tikpejpenas itech jw se tlajtlanilistli noso itech amatlajkuilol tlen kajki kanin tlami amatsintli. Ijkuak tikitas okachi kineki kimatis xikmaka amatlajkuilol Kuali tlajtolmej techmaka toTajtsin Dios noso okse amatlajkuilol tlen ika titlamachtiaj.