¿Ken uelis kuali tiktekitiltis kanin kijtoua “Ken uelis titetlapouis”?

Desde enero 2018 itech Toteki akinmej tikchiuaj ken Cristo uan Tlen tiktekitiltiskej itech nechikol uits “Ken uelis titetlapouis”. ¿Ken uelis tiktekitiltiskej tlen ompa kijtoua?

Tlamachtilmej tlen motemakaj ijkuak timonechikouaj. Ma tiktekitiltikan tlajtlanilistli, texto uan tlajtlanilistli tlen okse tonal tiknankiliskej. Pero amo moneki tikijtoskej ijkon ken tikitaj itech videos. Uelis tikpatlaskej ken peuas tiktlapouiskej uan ken tikyekiluiskej. Noijki uelis tikmakas se amatlajkuilol tlen ika titlamachtiaj maski amo uits itech ken uelis titetlapouis.

Ijkuak titetlapouitiuij. Tlen ijkuilitok kanin kijtoua “Ken uelis titetlapouis” san techititia ken uelis titetlapouiskej. Tla akin tiktlapouijtokej kineki okachi kimatis, ok uelis tiktlapouiskej uan hasta uelis tikiluiskej tlen ijkuilitok itech “Ijkuak oksepa tiktlapouiti”. Uelis tiktekitiltiskej tlen ompa kajki noso uelis tikpatlaskej. Kanin titetlapouiaj, ¿moneki tiktlapouiskej okse tlamantli noso moneki tiktekitiltiskej okse texto?¿Itlaj yikin opanok kanin titetlapouiaj uan itech non kinekij ma tikintlapouikan? Uelis tiktekitiltiskej tlen ijkuilitok kanin kijtoua “Ken uelis titetlapouis” ijkuak tikitaskej moneki pero ma tikilnamiktokan moneki tiktemoskej ken titetlapouiskej para nochtin “makikakikah n kualitlájtoli” (1 Cor. 9:22, 23).