TIKCHIUAJ KEN CRISTO
Tikueyichiuaj Jehová ijkuak tiktlakuikiliaj ika nochi toyolo
Ijkuak Pablo uan Silas otsaktokaj okitlakuikilijkej Jehová uan ijkon okiueyichijkej (Hech. 16:25). Xamo non okinpaleui ma tlaxikokan. Tlakuikalmej tlen katej itech jw.org uan tlen titlakuikaj kanin timonechikoaj, techyolchikauaj, techpaleuiaj ma tiyetokan tiyolmelajkej ijkuak titlajyouiaj uan ijkon noijki tikueyichiuaj Jehová (Sal. 28:7). Yotechiluijkej uelis timomachtiskej seki tlakuikalmej para amo tikinmilkauaskej. Ijkuak tikueyichiuaj Jehová ken kalchanejkej uelis timomachtiskej seki tlakuikalmej.
IJKUAK YOTIKITAK VIDEO KONEMEJ KIUEYICHIUAJ JEHOVÁ IJKUAK KITLAKUIKILIAJ, XIKINNANKILI NINMEJ TLAJTLANILMEJ:
¿Ken techpaleuia ijkuak tiktlakuikiliaj Jehová?
¿Tlen achto kichiuaj tokniuan para kichiuaskej se grabación ika audio uan video?
¿Tlen kichiuaj konemej uan inkalchanejkauan achto kichiuaskej se grabación?
¿Tlen tlakuikali okachi mitspaktia para tikueyichiuas Jehová uan tleka?