TIKCHIUAJ KEN CRISTO
Ma timoyektlalikan porque tikatej itlamian tonalmej
Tikatej itlamian tonalmej, ik non, tikmatokej okachi titlajyouiskej (2 Tim. 3:1; Mat. 24:8). Itekipanojkauan Jehová nochipa kinmiluiaj tlen moneki kichiuaskej ijkuak tlaxixini inmialtepe. Tla axkan titetlakamatij, tikyektlaliaj tlen moneki uan noijki kuali timouikaj iuan Jehová, ijkon kuali tiyetoskej ijkuak tlaxixinis (Luc. 16:10).
Okachi kuali ximouika iuan Jehová: Nochipa xiktlajtolti uan ximomachti Biblia. Tlatlamantli xitetlapoui. Amo ximomojti tla amo ueli tika iuan tokniuan tlen inmiuan timonechikoua (Is. 30:15). Xikilnamiki Jehová uan Jesús nochipa mitspaleuiskej (od-S págs. 175, 176 párrs. 15-17).
Xikyektlali tlen moneki: Xikpia se mochila uan ompa xiktlali tlen monekis. Mokalijtik xikpia tlakuali tlen moneki, atl, pajtli uan okseki tlamantli tlen nankitekitiltiskej tla moneki timokauas iuan mofamilia miak tonal ompa mokalijtik (Prov. 22:3; g17.5-S págs. 4, 6).
IJKUAK YOTIKITAK VIDEO ¿TIKMATI TLEN TIKCHIUAS IJKUAK TLAXIXINIS?, XIKINNANKILI NINMEJ TLAJTLANILMEJ:
¿Tleka moneki okachi ma timouikakan iuan Jehová?
¿Tleka moneki...
... timotlapouijtoskej iuan tlayekankej?
... ma tikpiakan tlen tiktekitiltiskej?
... ma timotlapouikan tlen uelis panos kanin tichantij uan ijkuakon tlen moneki tikchiuaskej?
¿Tlen eyi tlamantli uelis tikchiuaskej uan ijkon tikinpaleuiskej oksekimej ijkuak itlaj panos?
XIMOTLAJTLANI: “¿Ken onechpaleui kokolistli COVID-19 ma nikajsikamati moneki nimoyektlalis?”.