Xikinpaleui akinmej tikinmachtia ma momaluikan

Akinmej tikinmachtiaj tla kinekij mouikaskej iuan Jehová moneki kuali kipejpenaskej akinmej inmiuan mouikaskej (Sal. 15:1, 4). Tla mouikaj iuan akinmej kitekichiuiliaj Jehová, kinpaleuiskej ma kichiuakan tlen kuali (Prov. 13:20; lff tlamachtil 48).

Ijkuak tikinpaleuis akinmej tikinmachtia ayakmo ma mouikakan iuan akinmej uelis kinmijtlakoskej, xikinmajsikamati porque xamo kitaskej oui ayakmo mouikaskej iuan akinmej achto omouikayaj. Ik non, ijkuak tikinmachtitij xikita ken okachi tikinpaleuis. Uelis tikintitlanilis se mensaje, tikinnotsas ika teléfono noso uelis tikintlajpaloti. Ijkuak tikita okachi mouikaj iuan Jehová, xikinyoleua ma kinmixmatikan oksekimej tokniuan. Ijkon noijki kitaskej uelis kinpiaskej akinmej melauak inyolikniuan (Mar. 10:29, 30). Tejuatsin noijki tiyolpakis ijkuak tikitas yejuan peuaj kitekichiuiliaj Jehová.

IJKUAK YOTIKITAK VIDEO MA TIKINPALEUIKAN AKINMEJ TIKINMACHTIAJ. INYOLIKNIUAN, XIKINNANKILI NINMEJ TLAJTLANILMEJ:

• ¿Akinmej uelis techijtlakoskej? (1 Cor. 15:33).

• ¿Ken omokuayejyekouaya Coral moyolpaktiaj iTlaixpantijkauan Jehová?

• ¿Ken okipaleui Ana Coral kuali ma kinpejpena akinmej inmiuan mouikas?