¿Tlen tikchiuaskej ijkuak tikilnamikiskej imikilis Jesús?

TiiTlaixpantijkauan Jehová okachi tikpatioita ijkuak tikilnamiki imikilis Jesús. Ijkuak yitikilnamikiskej imikilis Jesús uan noijki satepan, timochijchikauaj tikueyichiuaskej Jehová uan tiktlasojkamatiliaj omotemakti Jesús topatka (Efes. 1:3, 7). Ijkon tikteititiaj ijkuak tikinyoleuaj oksekimej touan makilnamikikan imikilis Jesús. Noijki sekimej tokniuan mochiuaj precursores auxiliares uan tetlapouiaj 30 noso 50 horas itech metstli marzo uan abril. ¿Tikneki timochiuas precursor auxiliar itech nonmej metstli? ¿Tlen uelis tikchiuas?

Kuali kisas tlen tikchiuaskej tla achto timoyektlaliaj (Prov. 21:5). Yitikilnamikiskej imikilis Jesús ikinon moneki axkan matimoyektlalikan. Ximokuayejyeko tlen mitspaktiskia tikchiuas ijkuak tikilnamikiskej imikilis Jesús uan noijki ximokuayejyeko tlen mitspaleuis para ijkon xikchiua. Satepan xikilui Jehová mamitspaleui (1 Juan 5:14, 15).

¿Tlen okachi uelis tikchiuas ijkuak tikilnamikiskej imikilis Jesús?