¡Ma timochijchikauakan pampa uelis tiyolpakiskej ijkuak tikilnamikiskej iCena toTeko!
1. ¿Ken uelis okachi tiyolpakis ijkuak tikilnamikiskej iCena toTeko?
1 ¿Tikneki okachi tiyolpakis itech marzo, abril uan mayo? Uelis tiyolpakis tla okachi titetlapouis uan tla tiuelis titekitis ken precursor auxiliar. ¿Tleka okachi tiyolpakis?
2. ¿Tleka okachi tiyolpakij ijkuak okachi titetlapouiaj?
2 Okachi xiyolpaki. Jehová otechchijchi pampa uelis tiyolpakiskej ijkuak tikueyichiuaj uan timochijchikauaj pampa tikpiaskej chikauak totlaneltokilis (Mat. 5:3). Noijki otechchijchi pampa ma tiyolpakikan ijkuak itlaj tiktemakaj (Hech. 20:35). Ijkuak titetlapouiaj tikueyichiuaj toTajtsin Dios uan tikinpaleuiaj tlaltikpaktlakamej. Uan tla okachi titetlapouiskej okachi tiyolpakiskej. Uan noijki, tla okachi titetlapouiskej okachi kuali uelis tikchiuaskej toteki. Okachi kuali titetlapouiskej, ayakmo timomojtiskej nion tipinauaskej. Tejuan uelis okachi titetlapouiskej uan tikinmachtiskej oksekimej. Nochi nin kichiua okachi ma tiyolpakikan ijkuak titetlapouiaj.
3. ¿Tleka itech marzo uan abril uelis titekitiskej ken precursor auxiliar?
3 Itech marzo uan abril uelis titekitiskej ken precursor auxiliar uan tikpejpenaskej kox titetlapouiskej 30 noso 50 horas. Noijki, itech sábado 22, metstli marzo peuas tikinyoleuaskej oksekimej ma monechikokan pampa tikilnamikiskej imikilis Jesús. Itech tlanechikolmej tinochtin timochijchikauaskej pampa “titekitiskej san sekan” uan ijkon uelis tikintlapouiskej nochtin akinmej chantij kanin tejuan tichantij itech kauitl tlen moneki (Sof. 3:9).
4. ¿Tlen moneki tikchiuas tla tikneki titekitis ken precursor auxiliar?
4 Ximoyektlali. Tla ayamo tikchiua, ximokuayejyeko tlen uelis tikchiuas pampa okachi titetlapouis itech se noso okseki metstli. Ximotlatlaujti itech Jehová (Sant. 1:5). Ximotlapoui iuan mokalchanejkauan uan oksekimej tokniuan itech tlanechikol (Prov. 15:22). Uan maski timokokoa noso tikpia miak tekitl noijki uelis tiyolpakis tla titekitis ken precursor auxiliar.
5. ¿Tlen tikseliskej tla okachi titetlapouiaj ijkuak moilnamikis iCena toTeko?
5 Jehová kineki ma yolpakikan itekipanojkauan (Sal. 32:11). Tla timochijchikauaj pampa okachi titetlapouiskej ijkuak tikilnamikij iCena toTeko, amo san tejuan okachi tiyolpakiskej, noijki tikyolpaktiskej toTajtsin Dios (Prov. 23:24; 27:11).