TIKCHIUAJ KEN CRISTO
Tlayekankej kipaleuiaj ialtepe Jehová
Miakej amo kinpaktia ijkuak oksekimej kinnauatiaj. Ijkon panoua porque miakej san kintekipachoua kipiaskej tlen yejuan kinekij. Ijkon kiteititiaj miakej akinmej tlanauatiaj (Miq. 7:3). Pero ialtepe Jehová amo ijkon kichiua porque ye kinnauatia tlayekankej matechmaluikan ijkuak kichiuaj inteki (Est. 10:3; Mat. 20:25, 26).
Tlayekankej amo kichiuaj ken akinmej tlanauatiaj. Yejuan techpaleuiaj porque techtlasojtlaj uan kitlasojtlaj Jehová (Juan 21:16; 1 Ped. 5:1-3). Tlayekankej kichiuaj tlen kinnauatia Jesús uan kinpaleuiaj nochtin tokniuan kuali mamouikakan iuan Jehová uan kuali mayetokan itech ifamilia. Yejuan mochijchikauaj kinyolchikauaskej nochtin tokniuan. Noijki kinpaleuiaj ijkuak tlaxixini noso ijkuak mokokouaj. Ximotlapoui inmiuan tlayekankej tlen katej kanin timonechikoua tla tikneki mamitspaleuikan (Sant. 5:14).
IJKUAK YOTIKITAK VIDEO TLAYEKANKEJ TECHMALUIAJ, XIKNANKILI NIN:
¿Ken okipaleuijkej tlayekankej Mariana?
¿Ken okipaleuijkej tlayekankej Elías?
¿Ken tikita tlen kichiuaj tlayekankej?