Nochtin kinekij kuali yetoskej satepan

Pero miakej amo ijkon kineltokaj porque amo kimatij tlen kinpanos. Onka kokolistli COVID-19 uan miakej sapanoua tlajyouiaj, okipolojkej inteki uan miakej yoixpolikej. Ik non, amo kineltokaj kuali yetoskej satepan.

Amo tikmatij tlen panos satepan, ik non, miakej kichiuaj miak tlamantli para kuali yetoskej satepan. Sekimej kinneltokiliaj tlachixkej kinmiluiaj tlen kinpanos. Miakej kineltokaj kinpaleuis tla okachi momachtiskej itech escuela uan kipiaskej miak tomin. Uan oksekimej kijtouaj san moneki yetoskej yolkualmej.

¿Melauak kuali tiyetos satepan tla ijkon tikchiua? Tikmatis tla nin timokuayejyekoua:

• ¿Tlen mitspaleuis kuali xiyeto satepan?

• ¿Kuali tiyetos satepan tla okachi timomachtia uan tikpia miak tomin?

• ¿Okachi kuali tiyetos satepan tla tiyolkuali?

• ¿Kajki se amochtli tlen mitspaleuis kuali xiyeto satepan?

Nin revista Akin Tetlapouijtok mitspaleuis xikmati.