Nin uelis timomachtis

Okachi xitlatemo ken iyelis Jehová

Ijkuak tiktlajtoltiaj Biblia, uelis okachi titlatemoskej para okachi kuali tikajsikamatiskej tlen tiktlajtoltiaj. Pero amo matitlatemokan san para tikilnamiktoskej. Matitlatemokan porque tiknekij tikmatiskej ken iyelis Jehová uan non techpaleuis okachi iuan matimouikakan. Ikinon matimotlajtlanikan: “¿Tlen nechititia nin texto itech iyelis Jehová?”.

Uelis tiktemoskej seki tlamantli tlen kiteititia Jehová tetlasojtla, ixtlamatki, kichiua tlen kuali uan kipia chikaualistli. Pero iyelis Jehová kipia miak tlamantli kuajkualtsitsintin. ¿Kanin tikajsis nochi non tlamantli?

Itech amatlajkuilol Índice de las publicaciones Watch Tower tikajsis kanaj 50 tlamantli tlen kijtoua ken iyelis Jehová. Xikita kanin kijtoua “Jehová” uan satepan kanin kijtoua “Cualidades por nombre”. Xikita iyelis Jehová mouika iuan tlen tiktlajtoltijtok (tla san ueli tikalaki itech amatlajkuilol Tlen ika momachtiaj iTlaixpantijkauan Jehová, xikita kanin kijtoua “Jehová” uan satepan kanin kijtoua “iyelis Jehová”).