¿Ken uelis okachi tiktemoskej ken techpaleuia Biblia?

Uelis titlatemoskej tla tiknekij tikitaskej ken techpaleuia tlen tiktlajtoltiaj itech Biblia. ¿Ken uelis tikchiuaskej?

Okachi matiktemokan tlen tiktlajtoltiaj. Uelis tiktemoskej akin okijkuilo texto, keman okijkuilojkej, akin okitlajkuililijkej, tlen opanotoka, tlen achto opanok uan tlen opanok satepan.

Matimokuayejyekokan tlen techmachtia tlen otiktlajtoltijkej. Matimotlajtlanikan seki tlamantli ijkuak timomachtiaj. Matimotlajtlanikan: “¿Ken omomachilijkej akinmej moijtouaj itech non texto? ¿Ken okatka inyelis uan tleka moneki noijki ijkon manikchiua? ¿Tlen amo kuali okichijkej uan tleka noijki amo ijkon manikchiua?”.

Matikchiuakan tlen otimomachtijkej. Uelis ijkon tikchiuaskej ijkuak titetlapouitiuij noso ijkuak tikatej inuan oksekimej. Ijkon tikchiuaskej tlen kijtoua Salmo 107:43: “Nochi non kilnamiktos akin ixtlamatki”.

• Uelis tikitaskej sección “Ken techpaleuia Biblia” tlen timomachtiaj tlajko semana. Ompa techititia ken uelis titlatemoskej uan noijki ijkon matikchiuakan. Itech nin sección sejse semana kiualika seki tlamantli tlen uelis timotlajtlaniskej. Noijki kipia seki tlamantli tlen uelis timokuayejyekoskej uan kinpia fotos noso dibujos tlen uelis tikinmitaskej ken techpaleuiaj.