Matikinnejnekikan dibujos uan fotos ijkuak timomachtiaj

Toamatlajkuiloluan kinpiaj dibujos uan fotos tlen techpaleuiaj matikilnamiktokan tlen okachi miak ipati. ¿Ken uelis tikinnejnekiskej?

• Achto matikinmitakan dibujos uan fotos. Non techyolinis matiktlajtoltikan tlamachtil. Ijkuak yititlakuaskej achto tikitaj kox uelik tlakuali. Noijki ijkon matikchiuakan ijkuak timomachtiskej uan matimotlajtlanikan tlen tikitaj (Amós 7:​7, 8).

• Ijkuak tiktlajtoltijtiaskej tlamachtil, matikitakan tleka ompa okitlalijkej dibujo noso foto. Noijki matiktlajtoltikan tla itlaj ijkuilitok ikxitlan dibujo noso foto. Matimokuayejyekokan ken mouika non dibujo noso foto iuan itokayo tlamachtil uan tlen techmachtia.

• Ijkuak tlamis tiktlajtoltiskej tlamachtil, matikinnejnekikan dibujos noso fotos para tikojpauiskej tlen okachi miak ipati. Satepan matikintsakuakan toixtololouan uan matikinmilnamikikan dibujos noso fotos tlen otikinmitakej uan tlen otimomachtijkej.

• Ijkon matimomachtikan itech nin revista uan matikitakan kox tikilnamikij tlen otimomachtijkej.