¿Ken uelis tiktlasojkamatiskej tlen Jehová techmaka?

IJKUAK tikitaj nochi tlen Jehová okichijchi, tikitaj Jehová sapanoa kitemaka tlen kipia (Santiago 1:17). Se neskayotl, itech semanauak amo okintlali san seki sitlalimej ye okintlali sapanoa miakej. Uan itech Tlaltikpak okitlali tlatlamantli kuajmej uan xochimej (Salmo 65:12, 13; 147:7, 8; 148:3, 4).

Tlakatl akin okijkuilo Salmo 104 okitlasojkamatili Jehová pampa nochi tlen okichijchi, ik non, okijkuilili se tlakuikali. Uan uelis tikajsis itech Salmo tlakotonal 104. Ompa kijtoa non tlakatl okinekiaya kiueyichiuas Jehová itech nochi inemilis (Salmo 104:33). ¿Noijki ijkon tikueyichiuas?

JEHOVÁ SE KUALI NESKAYOTL PAMPA KITEMAKA TLEN KIPIA

Jehová noijki kineki ma tiktemakakan tlen tikpiaj ijkon ken ye. Ik non, tlatitlanil Pablo okinauati ma kijkuilo itech akinmej kipiaj sapanoa miak tomin amo ma kineltokakan ika yolpakiskej. Moneki tlaneltokaskej itech Jehová akin kitemaka tlen kuali. Tlatitlanil Pablo noijki okijto ma tikinmakakan tlen kuali oksekimej uan ma tiyolpakikan tikinmakaskej tlen tikpiaj. Tla ijkon tikchiuaj, itech xochitlali sapanoa tiyolpakiskej (1 Timoteo 6:17-19). Ik non, Jehová techiluia ma tiktemakakan tlen tikpiaj.

Ijkuak tlatitlanil Pablo okijkuilo amatlajkuilol segunda a los Corintios, okijto tleka moneki tiktemakaskej tlen tikpiaj. Okijto: “Xiktemakakah ijkó kemi yononkitlalijkeh itech nomoyolo, amo manomechixkoko nion xiktemakakah ijkuak nomechchijchikawah, porke Dios kitlasojtla akin kitemaka ika pakílistli” (2 Corintios 9:7). ¿Akinmej mopaleuiaj tla tiktemakaj tlen tikpiaj? Kinpaleuia akinmej kiseliaj tlen tikinmakaj uan noijki techpaleuia pampa tikseliaj miak tlamantli kuali tlen Jehová techmaka (2 Corintios 9:11-14).

Tlatitlanil Pablo noijki okinmilui corintios ma kitlasojkamatilikan Jehová pampa okinmakak se tetliokolil tlen miak ipati (2 Corintios 9:15). Tetliokolil otechmakak Jehová uan okichi ika iKone. Melauak tiktlasojkamatiliaj Jehová pampa otechmakak tetliokolil.

¿Ken uelis tikteititiskej tiktlasojkamatiliaj Jehová uan Jesús ika nochi tlen kichiuaj uan tlen kichiuaskej? Uelis tiktemakaskej tokauitl, tochikaualis, tlamantli tlen tikpiaj pampa tiktekichiuiliskej Jehová uan tikinpaleuiskej oksekimej ma kixmatikan. Tinochtin uelis tiktemakaskej tlen tikpiaj maski tikpiaskej miak tlamantli noso amo (1 Crónicas 22:14; 29:3-5; Lucas 21:1-4).

¿Ken tlapaleuiaj sekimej pampa ma motetlapoui itech nochi Tlaltikpak?

Akinmej opejkej kichiuaj ken Cristo okixeloayaj seki tomin pampa kitemakaskej itech tlanechikol. Axkan noijki akinmej tikchiuaj ken Cristo noijki tiktemakaj tomin itech tlanechikol (1 Corintios 16:2). Nochi metstli tokniuan kititlanij tomin kanin tekitij iTlaixpantijkauan Jehová. Pero tejuatsin noijki uelis tiktemakas motomin ika tokayotl tlen kitekitiltiaj iTlaixpantijkauan Jehová. Tla tikneki tikmatis okachi itech nin tokayotl, xitlatemo itech www.jw.org/es uan xitlanotsa itech kali kanin tekitij iTlaixpantijkauan Jehová. Nikan moajsi seki tlamantli ken uelis tiktemakas motomin:

TOMIN TLEN MOTEMAKA

Uelis tiktitlanis itech banco noso ika se tarjeta de débito noso crédito. Itech seki uejueyij altepemej uelis tiktitlanis itech www.jw.org página tlen tikpiaj itech Internet.
Uelis tiktemakas tomin, koskamej uan okseki tlamantli tlen inpati. Uan xikijkuilo se amatl kanin tikyekijtoa san tiktemaka nin tlamantli.

KEN UELIS TIKTEMAKAS MOTOMIN

Uelis tiktemakas motomin uan ijkuak tiknekis, ma mitskuepilikan oksepa.
Xikijkuilo se amatl kanin tikyekijtoa seki tlamantli itech motomin.

OKSEKI TLAMANTLI KEN UELIS TIKTEMAKAS MOTOMIN

Nikan tikajsis okseki tlamantli ken uelis tiktemakas motomin pampa titlapaleuis okachi ma motetlapoui itech nochi Tlaltikpak. Achto tiktemakas motomin, xitlanotsa kanin tekitij iTlaixpantijkauan Jehová. Pampa tikmatis tlen uelis tiktemakas. Ken tlatlamantli kipiaj tlanauatilmej itech uejueyij altepemej timitsyoleuaj xiktlajtlani akin kinmixmati tlanauatilmej uan ken motlaxtlaua.

Seguro: Tla tejuatsin tikpia se seguro de vida noso yitikpia mojubilación, uelis tikpejpenas se tokayotl tlen kipiaj iTlaixpantijkauan Jehová pampa ika uelis kiseliskej tomin.

Tomin tlen tikpia itech banco: Tla tikpia tomin itech banco, se amatl kanin kijtoa yotiktemakak tomin noso mojubilación ma motekitilti ken se tetliokolil tlen yotiktemakak. Noijki uelis tiktekitiltis se tokayotl tlen kipiaj iTlaixpantijkauan Jehová pampa ma kiseli motomin ijkuak timikis. Noijki moneki motlakamatiskej tlanauatilmej tlen onka itech moaltepe.

Acciones uan bonos: Uelis tiktemakas motomin ika se tokayotl tlen kipiaj iTlaixpantijkauan Jehová noso tikpejpenas pampa ijkuak timikis ma kipanoltikan itech nin tokayotl.

Tlalmej noso kalmej: Tla tikpia se tlali noso kali tlen uelis monemakas, uelis tiktemakas ika se tokayotl tlen kipiaj iTlaixpantijkauan Jehová. Tla tichanti itech non kali, uelis ompa tichantis hasta ijkuak timikis.

Ma kitlanto tlen tiktemakas: Uelis tiktemakas motomin noso okseki títulos valores ika se tokayotl tlen kipiaj iTlaixpantijkauan Jehová pero xikinmilui tikneki sejse xiuitl ma kitlanto. Uelis mitsiluiskej amo xiktlaxtlaua seki tlamantli ijkuak tiktemakas motomin.

Testamento uan kanin kijtoa tiktetliokolia: Uelis tikijtos ijkuak timikis ma motekitilti motomin ika se tokayotl tlen kipiaj iTlaixpantijkauan Jehová. Uelis tikchiuas se testamento noso se contrato fideicomiso. Nin uelis tlapaleuis pampa amo okachi motlaxtlauas ijkuak monekis.

Tla tikneki tikmatis okachi itech ken uelis tiktemakas motomin pampa okachi ma motetlapoui itech nochi Tlaltikpak, xiktlajtolti amatlajkuilol Donaciones planificadas para favorecer el servicio del Reino en todo el mundo. Nin amatlajkuilol kajki ika tlajtoli español uan inglés. Tlanauatilmej tlen kinpiaj uejueyij altepemej tlatlamantli, ik non, uelis amo nochi tikchiuas ijkon ken nikan moijtoa. Ijkuak tlamis tiktlajtoltis, xiktlajtlani akin kinmixmati tlanauatilmej ken motlaxtlaua. Miakej tlen kitemakaj intomin pampa ma motetlapoui itech nochi Tlaltikpak uan kuali kisa ijkuak kijtoaj ken okitekitiltijkej intomin. Tla itech moaltepe onka nin amatlajkuilol, xiktlajtlanili secretario itech motlanechikol.

Tla tikneki tikmatis okachi, xitlanotsa itech kali kanin tekitij iTlaixpantijkauan Jehová.