Akinmej kichiuaj ken Cristo uan guerras | ¿Tlen kijtoua Biblia?

Tlen panotok Ucrania kiteititia akinmej tlayekanaj itech religiones mokajkalakiaj ijkuak mochiuaj guerras. Xikita ken panotok nin ompa Ucrania uan Rusia:

• Teopixki Epifanio I tlen kajki altepetl Kiev okijto: “Tikintlasojkamatiliaj nochtin akinmej kimaluiaj toaltepe Ucrania inmak akinmej techkokoliaj […]. Tejuan namouan tikatej uan tiktlatlaujtiaj Dios manamechpaleui” (16 de marzo 2022, The Jerusalem Post).

• “Domingo, akin kiyekana Iglesia ortodoxa ompa altepetl Rusia okichi se misa kanin okinyolchika soldados para makipaleuikan inmialtepej ‘ijkon ken rusos kimatij kichiuaj’ uan altepetl Moscú ok kichijtok seki tlamantli para kiteuis altepetl Ucrania” (3 de abril 2022, Reuters).

¿Moneki yaskej guerra akinmej kichiuaj ken Cristo? ¿Tlen kijtoua Biblia?

Tlen kijtoua Biblia

Biblia kijtoua akinmej melauak kichiuaj ken Cristo amo mokajkalakiaj ijkuak mochiuaj guerras.

• “Xiktlaati moespada, porke akimeh kiwikah iespada, noiwa ika espada kinmiktiskeh” (Mateo 26:52).

  Tla ikaj tlapaleuia noso yaui ijkuak mochiuaj guerras, ¿melauak kitlakamati tlen okijto Jesús?

• “Ne nomechmaka se yankuik tlanawátili: Ximosepantlasojtlakah, ijkó kemi Ne nomechtlasojtla, ijkó moneki ximosepantlasojtlakah. Tla nomejwah nonmosepantlasojtlah, nochteh n tlaltikpaktlakah nomechitaskeh nomejwah de milajka notlamachtijkawah” (Juan 13:34, 35).

  Tla ikaj tlapaleuia ijkuak mochiua guerra, ¿kiteititia kintlasojtla oksekimej ijkon ken Jesús okinnauati imachtijkauan?

Tla tikneki okachi tikmatis, xikita tlamachtil “El cristianismo y la guerra: ¿son compatibles?”.

Akinmej axkan kichiuaj ken Cristo uan guerras

Akinmej axkan kichiuaj ken Cristo ¿melauak amo mokajkalakiaj itech guerras? Kema. Biblia kijtoua axkan tikatej “itlamian tonalmej” uan miakej “ayakmo moteuiskej” ijkon ken otlamachti Jesús (Isaías 2:2, 4, nota).

• Tla tikneki okachi tikmatis, xikita revista Akin Tetlapouijtok “¿Qué piensa Dios de las guerras?”.

Ayakmo miak poliui uan Jehová,a “Totajtsi Dios Akin kichiwa matikpiakah yolsewílistli” ika itekiuajkayo kinpaleuis nochtin “amo ma kintlajyouiltikan nion ma kinteuikan” (Filipenses 4:9; Salmo 72:14).

• Tla tikneki okachi tikmatis, xikita video ¿Tlen iTekiuajkayo toTajtsin Dios?