Itech 2023 sapanoua tlatotonia itech nochi tlaltikpak | ¿Tlen kijtoua Biblia?

Itech nochi tlaltikpak sapanoua tlatotonia amo ken achto uan noijki san kanin panoua okseki tlamantli porque sapanoua tlatotonia. Xikita tlen kijtouaj sekimej:

• “Yopanok 174 xiuitl akinmej kitaj clima mundial, kijtouaj itech metstli junio sapanoua otlatotoniak” (Oficina Nacional de Administración Oceánica y Atmosférica, Departamento de Comercio de Estados Unidos, 13 de julio 2023).

• Xamo achto ompa Europa amo ijkon otlatotoniaya” (Agencia Espacial Europea, 13 de julio 2023).

• “Ijkuak sapanoua tlatotonia noijki sapanoua kiaui uan sapanoua tlaatemi” (Stefan Uhlenbrook, director de la Sección de Hidrología, Recursos Hídricos y Criosfera de la Organización Meteorológica Mundial, 17 de julio 2023).

¿Mitstekipachoua tlen kijtouaj itech noticias? Xikita tlen kijtoua Biblia tleka ijkon panoua.

¿Kijtoua Biblia axkan sapanoua tlatotonias?

Kema. Biblia kijtoua sapanoua tlatotonias uan panoskia okseki tlamantli ijkuak yitlamis nochi tlen amo kuali. Jesús okijto tikitaskiaj “miak tlamantli temomojti” (Lucas 21:11). Miakej momojtiaj ijkuak kitaj sapanoua tlatotonia uan xamo mokuayejyekouaj kijtlakoskej tlaltikpak.

¿Ok ikaj chantis tlaltikpak?

Kema. ToTajtsin Dios okichijchi tlaltikpak para itech matichantikan uan amo kitekauilis makijtlakokan (Salmo 115:16; Eclesiastés 1:4). Ye yokijto kinmixpolos “akinmej kijtlakouaj tlaltikpak” (Apocalipsis 11:18).

Biblia kijtoua toTajtsin Dios uelis kimaluis tlaltikpak para amo maijtlakaui uan ijkon kichiuas.

• ToTajtsin Dios sapanoua chikauak uan uelis kichiuas ayakmo maijtlakaui tlaltikpak. Ye uelis kiyektlalis nochi tlen tlaijtlakoua uan tlen miakej kintlajyouiltia.

• “Te tikmaluia tlaltikpak, tikchiua matlamochiua uan kualtsin mamota” (Salmo 65:9) ToTajtsin Dios kikopas tlaltikpak se kualtsin xochitlali.

Para okachi tikmatis tlen kijtoua Biblia kipanos tlaltikpak, xikita tlamachtil “¿Quién salvará el planeta?”.