Axkan sapanoua tlatotonia | ¿Tlen kijtoua Biblia?

Julio 2022, sapanoua opejki tlatotonia itech miakej altepemej:

• “Tekiuajkej tlen tlanauatiaj China okijtojkej itech nin metstli sapanoua tlatotonia itech kanaj 70 altepemej” (25 de julio 2022, CNN Wire Service).

• “Ompa Europa itech miakej altepemej otlatlatlak kanin kuajyo porque sapanoua tlatotonia” (17 de julio 2022, The Guardian).

• “Domingo itech sekimej altepemej ompa Estados Unidos sapanoua otlatotoniak pero okachi ik costa este, sur uan Medio Oeste” (24 de julio 2022, The New York Times).

¿Nin kijtosneki satepan ayakmo uelis tichantiskej nikan tlaltikpak? ¿Tlen kijtoua Biblia?

¿Kijtoua Biblia itech ninmej tonalmej sapanoua tlatotonias?

Kema, porque Biblia kijtoua panoskia seki tlamantli ken nin. Jesús okijto “motas tlan temojti” noso “panos tlamantli tlen temomojti” (Lucas 21:11; La Biblia, de Serafín de Ausejo). Ik non, miakej momojtiaj ijkuak kitaj sapanoua tlatotonia uan kijtoua yotikijtlakojkej tlaltikpak.

¿Ayakmo uelis tichantiskej nikan tlaltikpak?

Totajtsin Dios okichijchi tlaltikpak para nochipa itech matichantikan (Salmo 115:16; Eclesiastés 1:4). Ye amo kitekauilis makijtlakokan tlaltikpak, porque yokijto kinpojpolos “akimeh kijtlakoah n tlaltíkpaktli” (Apocalipsis 11:18).

Matikitakan ome tlamantli tlen toTajtsin Dios kichiuas:

• “Kualtsin yetos kanin tlauaki uan kualtsin tlaxochitis kanin tlakuauak tlali” (Isaías 35:1). ToTajtsin Dios kiyektlalis tlaltikpak uan amo kitekauilis mapojpoliui.

• “Te tikmaluia tlaltikpak, tikchiua matlamochiua uan kualtsin mamota” (Salmo 65:9). ToTajtsin Dios kichiuas tlaltikpak mayeto se xochitlali.

Axkan mochijtok tlen kijtoua Biblia. Tla tikneki okachi tikmatis, xikita tlamachtil “¿Qué dice la Biblia sobre el cambio climático y nuestro futuro?”.

Biblia kijtoua tlaltikpak moyektlalis. Tla tikneki okachi tikmatis, xikita tlamachtil “¿Quién salvará el planeta?”.