Axkan omomiaktilijkej akinmej tlamojmotlaj | ¿Tlen kijtoua Biblia?

Itech Julio 2022, okachi omomiaktili itech nochi tlaltikpak akinmej tlamojmotlaj:

• “Ijkuak okimiktijkej achto ex ministro Shinzo Abe ompa Japón, miakej sapanoua okintlajtlachialtij tlen opanok porque ompa amo okachi tlamiktiaj nion kinemakaj pistolas” (10 de julio 2022, The Japan Times).

• “Itech altepetl Dinamarca miakej omomotijkej ijkuak se tlakatl okinmikti eyi tlen okatkaj itech se centro comercial ompa Copenhague” (4 de julio 2022, Reuters).

• “Itech altepetl Sudáfrica ompa Soweto okinmiktijkej kanaj 15 tlen okatkaj itech se bar, ijkuak sekimej tlakamej opejkej tlamojmotlaj” (10 de julio 2022, The Guardian).

• “4 de julio oiluichijkej ompa Estados Unidos uan kanaj 220 omikej porque okinmojmotlakej” (5 de julio 2022, CBS News).

¿Tikneltokaj satepan kuali tiyetoskej? ¿Tlen kijtoua Biblia?

Tlamis tlen amo kuali

Biblia kiteititia tikatej “itlamian tonalmej”, axkan miakej ayakmo tetlasojtlaj uan tetlajyouiltiaj (2 Timoteo 3:1, 3). Ikinon axkan miakej momojtiaj (Lucas 21:11). Biblia kijtoua satepan kuali tiyetoskej, timoyolseuijtoskej uan ‘amitlaj techmomojtis uan timoseuiskej kanin tlakualkanʼ (Isaías 32:18). ¿Tlen kinpanos akinmej kichiuaj tlen amo kuali?

ToTajtsin Dios kinmixpolos akinmej amo yolkualmej.

• “Akinmej amo yolkualmej kinmixpoloskej itech tlaltikpak” (Proverbios 2:22).

• ToTajtsin Dios “kintlajtlamia guerras itech nochi tlaltikpak. Kiposteki arco uan kiposteki lanza; carruajes kintlatia ijtik tlitl” (Salmo 46:9).

ToTajtsin Dios kinpaleuis para ayakmo matetlajyouiltikan.

• “Amikaj kichiuas tlen amo kuali nion tlaijtlakos itech nochi notepe chipauak porque tlaltikpak tentos ika itlamatilis Jehová ijkon ken tentok ueyi atl” (Isaías 11:9).

• Axkan toTajtsin Dios kinmachtijtok miakej ayakmo matemiktikan uan ‘makinkopakan inmiespadas tlen ika tlameuaskej uan inlanzas makinkopakan tlen ika kitekiskej xiuitlʼ (Miqueas 4:3).

Tla tikneki okachi tikmatis tlen kichiuas satepan toTajtsin Dios, xikita tlamachtil “¿Es posible librarse del miedo?”.

Tla tikneki tikmatis ken kinmixpoloskej akinmej techtlajyouiltiaj, xikita tlamachtil “¡Por fin paz en la Tierra!”.