Miakej mokokouaj | ¿Tlen kichiuas iTekiuajkayo toTajtsin Dios?

“Maski COVID-19 ayakmo moxitinijtok itech nochi tlaltikpak amo kijtosneki ayakmo timomaluiskej. [...] Ijkuak nesis okse kokolistli moneki tikmatiskej ken timomaluiskej” (Tedros Adhanom Ghebreyesus, director general de la Organización Mundial de la Salud, 22 de mayo 2023).

Miakej ok tlajyouiaj porque omokokojkej ika COVID-19. ¿Kimatiskej tlen kichiuaskej tekiuajkej uan akinmej tlapajtiaj ijkuak nesis okse kokolistli? Noso ¿uelis kichiuaskej ayakmo matimokokokan?

Biblia kijtoua “toTajtsin Dios tlen kajki iluikak kitlalis se tekiuajkayotl” uan nin tekiuajkayotl kichiuas ayakmo matimokokokan (Daniel 2:44). Nikan tlaltikpak ayakmo ikaj “kijtos: ‘Nimokokoua’” (Isaías 33:24). Amikaj mokokos uan nochtin chikauakej yetoskej ijkon ken telpochmej (Job 33:25).